Бяцхан миссүүд дэлхийн тэмцээнд өрсөлдөнө

Хуучирсан мэдээ: 2017.08.24-нд нийтлэгдсэн

Бяцхан миссүүд дэлхийн тэмцээнд өрсөлдөнө

Бяцхан миссүүд дэлхийн тэмцээнд өрсөлдөнө

“Дэлхийн монгол гүнж мисс” ТББ-аас санаачлан 5-15 насны охидын “little Miss United World” дэлхийн миссийн тэмцээнийг өнгөрсөн хоёр жилд амжилттай зохион байгуулжээ. Гурав дахь жилийн тэмцээн ирэх есдүгээр сарын 24-нөөс 30-ны хооронд Грек улсад болох аж. Мисс, модель ангилалд дэлхийн 60 гаруй орны охидтой эх орноо төлөөлөн өрсөлдөх охидыг телевизийн уралдаант нэвтрүүлгээр сонгон шалгаруулах гэж байна.

“Little Miss United World” хүүхдийн дэлхийн миссийн тэмцээний Монгол улс дахь албан ёсны эрхийг эзэмшигч “Дэлхийн монгол гүнж мисс” ТББ-ийн тэргүүн Ч.Энхжаргал нь тус тэмцээний шүүгчээр ажилладаг юм.

Тус тэмцээний монгол дахь шалгаруулалтад мисс, модель болох сонирхолтой 5-15 насны бүх охид оролцох эрхтэй. Тэмцээний албан ёсны пэйж хуудсанд оролцогчдын фото зургийг нийтэлж, хамгийн их лайк, шэйр цуглуулсан нэг оролцогчийг 2 дугаар шатны шалгаруулалтанд шууд тэнцүүлэх аж.

Дэлхийн тэмцээнд оролцсон 5-15 миссүүдэд телевиз, дэлгэцийн салбарт өөрсдийгөө сорих боломж нээгдэж, кино, клип, рекламанд тоглон олон орны охидтой үерхэн үе тэнгийнхнээсээ байнга суралцах боломж олдог гэдгийг зохион байгуулагчид онцлов. 

Тэмцээний эхний шатны шалгаруулалт наймдугаар сарын 28-ны өдөр болох бөгөөд авьяас, загварын алхааны аль нэгийг оролцогчид өөрсдөө сонгоно.

Сүүлийн шат буюу хоёрдугаар шатны шалгаруулалт есдүгээр сарын 2-нд болох ба шилдэг оролцогчдод загварын алхааны хичээл, хувь хүнийг хөгжүүлэх сургалтууд өгөх ажээ.

Тэмцээний бүртгэл наймдугаар сарын 27-ны өдрийг дуустал TV8 телевизийн байранд үргэлжлэх юм байна.

Б.ЭНХ

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!
NewsMN Гар утасны хувилбар Татах
NEWS.mn

Мэдээллийн эх сурвалж