“3288 тендерт нэг ч үндэсний үйлдвэрлэгч хамрагдаагүй” | News.MN

“3288 тендерт нэг ч үндэсний үйлдвэрлэгч хамрагдаагүй”

Хуучирсан мэдээ: 2017.08.24-нд нийтлэгдсэн

“3288 тендерт нэг ч үндэсний үйлдвэрлэгч хамрагдаагүй”

“3288 тендерт нэг ч үндэсний үйлдвэрлэгч хамрагдаагүй”

Борлуулалтын зах зээлээ гадны компаниудад алдаж буй үндэсний үйлдвэрлэгчид өнөөдөр /2017.08.24/ уулзаж, цаашид авч хэрэгжүүлэх ажил болон дотоодын зах зээлээ хэрхэн хамгаалах талаар санал солилцлоо.

Уулзалтад Үндэсний аж үйлдвэрийн зөвлөл болон оёдол, Тавилга үйлдвэрлэгчдийн болон Хаалга, цонхны холбооны төлөөлөгчид оролцсон юм.

Үндэсний үйлдвэрлэгчид есдүгээр сарын 21-нд Сүхбаатарын талбайд дотоодын зах зээлийг хамгаалах, тендерийн хуулийг өөрчлөх, Монгол хүний ажлын байрыг хамгаалах асуудлаар жагсаал хийхээр болсноо хэллээ.

Энэ талаар Үндэсний аж үйлдвэрийн зөвлөлийн гүйцэтгэх захирал Д.Жаргалсайханы байр суурийг сонирхлоо.

Тэрээр дараах байр суурийг илэрхийлсэн юм.

-Монгол Улсын эдийн засгийг төрөлжүүлэх, улс орныг аж үйлдвэржүүлэх чиглэлээр сүүлийн 27 жилд их ярилаа. 2006 оноос хойш УИХ-аас улс орныг аж үйлдвэржүүлэх зургаан бодлогын баримт бичиг гарсан байдаг. Эдгээр бодлогын баримт бичгүүдийн хэрэгжилт өнөөдөр маш хангалтгүй байгаа. Нийгэмд ажилгүйдэл газар авсан, ядуурал хавтгайрсан, олон залуучуууд ажил хайж гадаад руу дүрвэж байна. Тэгэхээр улс орныхоо эдийн засгийг хэрхэн сэргээх вэ, үндэсний үйлдвэрлэл дээр түшиглэсэн хөгжлийн шинэ бодлогыг яаж гаргаж ирэх вэ гэсэн чиглэлээр үндэсний үйлдвэрлэгч компаниудтай цуврал уулзалтыг манайх хийж байгаа. Хамгийн гол нь дотоодын зах зээлийг хамгаалж байж үндэсний үйлдвэрлэлээ хөгжүүлэх нь гарцаагүй юм гэсэн нэгдсэн ойлголтод үйлдвэрлэгчид хүрээд байна. 

Импортын тарифын бодлогоор зах зээлээ хамгаалах хэрэгтэй

Дотоодын зах зээлийг импортын тарифын бодлогоор хамгаалах гарцаагүй шаардлагатай байна. Бид БНХАУ-руу бараа экспортлох гэхэд 17-125 хувийн татвартай, Япон руу 500 хувь, ОХУ-руу 20-75 хувь, Солонгос руу 10-225 хувийн татвартай байна. Эдгээр улс орнууд дотоодын зах зээлээ татварын бодлогоороо хамгаалчихсан. Харин манайх гадаадын чанарын шаардлага хангасан эсэх нь үл мэдэгдэх бараагаар дүүрлээ. Тэгэхээр зах зээлийн эрэлтийн багтаамж дээр суурилсан үндэсний аж үйлдвэрийн салбарыг үе шаттайгаар хөгжүүлэх цаг нь болсон.

Тендерийн хуулийг өөрчлөх шаардлагатай

2017 оны эхний долоон сарын байдлаар аваад үзэхэд Улсын хэмжээнд 3288 тендер зарлагдсан байгаа. Гэтэл нэг ч үндэсний үйлдвэрлэгч энэ тендерт хамрагдаж чадаагүй. Бидний татварын мөнгө Эрээн хотын эдийн засгийг дэмжих, Солонгосын ажлын байрыг дэмжих чиглэл рүү гараад явихсан. Үүнийг өөрчилж, засах болсон. Бидний өгсөн татвар, төсвийн мөнгийг гадаад руу зувчуулсан хууль бол Тендерийн хууль юм. Энэ хуулийн оронд бид төсвийн худалдан авалтаар үндэсний бүтээн байгуулалтыг дэмжих шинэ хуулийг боловсруулж УИХ-д өргөн барина. Эх оронч гишүүд бидэнтэй хамтарч ажиллана гэдэгт итгэж байна.

Г.Түшиг

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

9 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2017-08-24 124.158.78.5

Өрсөлдөх чадваргүй нь үгүй болж чадвартай нь үлдэх нь бизнэсийн хууль Үндэсний үйлдвэрлэгч нэрийн доор баахан чанаргүй өнгө үзэмжгүй эргээд хариуцлага үүрдэггүй батлагаагүй стандарт нь тодорхойгүй бараа үйлчилгээг дэлхийн дунджаас дээгүүр асар өндөр үнээр шахах гэсэн санаархалыг газар авахуулахгүй таслан зогсоо [Хориотой Үг] солонгостой чадахгүй дийлэхгүй салбараараа өрсөлдөх гэж оролдох нь угаасаа бураа Манай компани өөрсдийн логотой ердийн өдөр тутмын эр эм сорочкон цамц хийлгэхээр [Хориотой Үг] дахь салбараас авчирсан тус бүр 1 ширхэгийг ажлын хувцас оёдог 3-н ч газар өгсөн боловч оёсон цамцнууд нь элэг авмаар юм болсон байсан Зүгээр захыг нь нийлүүлээд оёчихсон Т хэлбэрийн уут байсан Чаддаггүй юм байна лээ Аргаа бараад сүүлдээ Хятадын салбараас нь захиалж авсан Өмсгөл суут сайтай маш загварлаг материал сайн биенд эвтэйхэн байдаг Үндэсний үйлдвэрлэл нэрийн доор гадаад худалдааг хааж боох хэрэглэгчийг хохироож өндөр үнэ тулгахыг эсрэгүүцэж байна Цементийг дотооддоо үйлдвэрлэнэ гэж хөөрцгөөсөн шанд нь тэнгэр хадсан үнэтэй болсон Юун орон сууцны үнэ буурах Их л бодолтой хандаж юугаараа өрсөлдөж чадах түүн дээрээ дээрээ хүчээ хаях нь зөв Хэрэгтэй хэрэггүй юм болгоныг дотооддоо үйлдвэрлэнэ гэж хөөрцөглөх нь нөөцийг үр ашиггүй зарцуулах нь буруу Би бол хэрэглэгч надад хэн хаана үйлдвэрлэсэн нь огтхон ч сонин биш Би үнэдээ тохирсон чанар болон сэтгэл ханамжийг эрхэмлэнэ Дэлхий глобалчлагдсан

Avatar

Зочин 2017-08-24 43.228.129.229

Засгийн газар ингэж шаардуулалгүй санаачилж болох л байлаа

Avatar

BOLD 2017-08-24 150.129.140.145

TROLLEIBUSNII SHUGAMIIN DEED HESGEES TONOJ HULGAI HIISEN NUHDUUD BH CHINI

Avatar

Зочин 2017-08-24 202.9.47.177

mergejiltei ajilchid darga naraasaa undur calintai ner hundtei alt bolson cagt l zaluuchuud medleg mergejiliin tuluu surah bolno

Avatar

Бодох асуудал байна. 2017-08-24 66.181.180.36

Мэдээж монгол хүнээ ажилтай байлгах гэх нь туйлаас зөвч бид үйлдвэрлэгч орон биш тул орчин цагийн хүнд үйлдвэрийг удирдах хүн байлаа гэхэд орчин цагийн дэвшилтэд шинэ техник тоногдол дээр ажилчих мэргэжилтэй ажилчин бий билүү Хөдөөний малчин залууг ямар ажлын дөргүй бэлэнчлэх талдаа сэтгэлгээтэй зүгээр суугаад их мөнгө олох мөрөөдөлтэй залуус болохгүй байна ш дээ Тодорхой цаг үед мэргэжлийн ажилтан сургатлаа мөнгө санхүүгийн гачаалгүй болтлоо бид хувь заяатайгаа эвлэрч хүсэн ч эс хүссэн ч гадны хөрөнгө оруулагч гадны ажиллах хүчинд тулахаас өөр зам харагдахгүй байна Эх орноо гэж боддог бол бага ярьж богино хугацаанд мэргэжлийн ажилчинтай болох явдал Иргэд нь бид мэргэжилтэй ажилчин болох ёстой гэдэг сэтгэхүйтэй болвол эх орондоо өгөх тус нь Энэ болно оо Шинэ цагийн улс төр ч гэх албан тушаалын донтонгууд ч төрөө самарч эрх ашигт хүрэх санаалхал нь хэн хэндээ халтайг бодох цаг болсон Сав л хийвэл өө сэв олж үлгэр зохиож засаг төрөө унагах гэх нь унагаж байгаа та нар хормын дотор ашиг олж магад удаандааөөрсөд тань хамгийн халтай

Avatar

mgl 2017-08-24 202.9.41.83

mash zuv

Avatar

ЗОЧИН СУДЛААЧ 2017-08-24 202.9.42.230

БАЯР ХҮРГЭЕ АМЖИЛТ ХҮСЬЕ

Avatar

ЗОЧИН СУДЛААЧ 2017-08-24 202.9.42.230

ОДОО ЯГ ЯРИХ ЦАГ СЭДЭВ МӨНЛДӨӨ ДОТООДЫН ХӨРНГӨ ОРУУЛАГЧИДАА АЖИЛ ОЛГОГЧИДОО ТОМ БАГА ГЭЛГҮЙ ХАРЖ ҮЗЭХ СОНСОХ ТУСЛАХ ТЭДНИЙ АСУУДЛЫГ ШИЙДЭХ НЬ ТӨРИЙН ХАМГИЙН ҮНДСЭН ҮҮРЭГ БИЛЭЭ ТЭДНИЙ ТАТВАРААР Л ТӨР ТОГТОЖ БАЙГАА ШҮҮ

Avatar

Зочин 2017-08-24 126.246.107.94

Зөв

NewsMN Гар утасны хувилбар Татах
NEWS.mn

Мэдээллийн эх сурвалж