Чөлөөт бөхийн насанд хүрэгчдийн Дэлхийн аваргын 53 кг-ын жинд ДАШТ-ий мөнгө, хүрэл медальт, Азийн АШТ-ий алт, мөнгө, хүрэл, Иван Ярыгиний “Алтан Гранпри”-гийн алт, мөнгө, хүрэл медальт, үндэсний шигшээ баг, “Хасу-Мегастарс” клубийн тамирчин, Монгол Улсын гавьяат тамирчин Даваасүхийн Отгонцэцэг өрсөлдөж байна.

Манай тамирчин эхний барилдаанаа Европын аварга шалгаруулах тэмцээний хошой хүрэл медальт Германы Нина Хеммерыг 8:6-гаар яллаа. Одоо тэрээр 1/8 шигшээд энэ жилийн Оросын аварга буриад бүсгүй Сталвира Оршуштай барилдана. Түүний өрсөлдөгч нь эхний тойрогт 2012 оны дэлхийн аварга Канадын Жессика Макдональдыг оноогоор цэвэр ялжээ.

Б.ЭНХ