PC mall дэлгүүрийн хамт олон өнгөрсөн амралтын өдрүүдээр Улаанбаатар хотоос 70км зайд байрлах Төв аймгийн Эрдэнэ сумын нутагт Туул голын эрэг дээр 2 өдөр амарч зугааллаа.

Монгол орны минь газар нутаг үнэхээр цэлгэр том, хараа булаам сайхан хэдий ч нэгэн зүйл хамгийн сэтгэл дундуур байдалд хүргэлээ. Юу вэ? гэхээр амарч зугаалж, наргиж наадсан хүмүүсийн үлдээсэн хог хаягдал байлаа.

Бид эх орноо хайрлаж хамгаалахгүй юм бол өөр хэн хамгаалах билээ? Хоол хүнсээ ашиглаж дуусаад , хог хаягдлаа түүгээд явах уриалгыг аялан зугаалж буй иргэддээ сануулах зорилгоор энэхүү мэдээг бичиж байна.

Манай байгууллага нийт 1 том машин хог тухайн газраас түүж, байрласан газраа цэвэрлэлээ.

ЭРҮҮЛ ХОГГҮЙ ЦЭВЭР ОРЧИНГ БИЙ БОЛГОЖ БАЙГАЛ ДЭЛХИЙГЭЭ ХАЙРЛАЦГААЯ