Цагаан хадыг хаах нь төрд ашигтай ч, хувьд ашиггүй | News.MN

Цагаан хадыг хаах нь төрд ашигтай ч, хувьд ашиггүй

Хуучирсан мэдээ: 2017.08.23-нд нийтлэгдсэн

Цагаан хадыг хаах нь төрд ашигтай ч, хувьд ашиггүй

Цагаан хадыг хаах нь төрд ашигтай ч, хувьд ашиггүй

Гашуун сухайтын боомтоор хил гарахаар дугаарласан нүүрсний машины цуваа өнөөдрийн байдлаар /2017.08.23/ 90 км-т хүрчээ. Энэ сарын эхээр 150 км-т хүртэл үргэлжилсэн нүүрсний машины цуваа 14 хоногийн дотор 60 км-ээр л багасчээ.

Гэхдээ нэг жолооч хил давахын тулд 14 хоног дугаарлаж байгаа аж. Ганц модын боомтоор өмнө нь өдөрт 1000 машин нэвтэрдэг байсан бол хөдөлгөөний урсгал нь 50 хувиар саарч, 400-500 машин арай ядан гардаг болжээ. Наадмаас хойш гэдийсэн Хятадын тал зөөлөрч, өчигдрөөс /2017.08.22/ Ганц модын боомтын үйл ажиллагаагаа хэвийн болгож, нийт 993 машиныг хилээрээ нэвтрүүлсэн гэж Гадаад харилцааны яамны Төрийн нарийн бичгийн дарга Д.Даваасүрэн тайлбарлав.

Хятадуудаас болж гацсан нүүрсний машины дараалал ингэж жигдэрч эхэлсэн ч, нүүрсний тээвэртэй холбоотой өөр нэг маргаан дотоодод гарч эхэллээ.

Засгийн газрын өнгөрсөн пүрэв гаригийн /2017.08.17/ хуралдаанаар Өмнөговь аймгийн Ханбогд сумын “Цагаан хад”  гаалийн хяналтын бүсийг татан буулгах шийдвэрийг гаргасан. Энэ засгийн тогтоолыг Гаалийн ерөнхий газраас “Цагаан хад”-д гаалийн хяналтын бүсийн үйл ажиллагаа явуулах зөвшөөрлийг авсан есөн хувийн компани, орон нутгийн “Тавантолгой” компани, тухайн хяналтын бүсийг хүрээлэн үйл ажиллагаа явуулдаг хувийн аж ахуйн нэгж, нүүрсний тээврийн компаниудын  төлөөлөл  эсэргүүцэх болсон. Тэд    “Цагаан хад хөгжлийн гарц” төрийн бус байгууллага /ТББ/ байгуулжээ. “Цагаан хад” гаалийн  хяналтын бүсийг нүүрс олборлодог, тээвэрлэдэг хувийн компаниуд нэгдэж,  2006 онд  Гашуун сухайт боомтоор гарах Тавантолгойн нүүрсний уурхайн экспортод зориулж  байгуулсан байдаг. Гэтэл Засгийн газар урьдчилан мэдэгдэлгүй, орон нутгийн иргэд компани аж ахуйн нэгжийн саналыг сонсолгүйгээр үйл ажиллагааг нь зогсоох, татан буулгах шийдвэр гаргасан гэж “Цагаан хад хөгжлийн гарц” ТББ үзэж, эсэргүүцэв.  Тэд “Засгийн газар, захиргааны ерөнхий хуульд заасны дагуу захиргааны аливаа акт, шийдвэрийг гаргахдаа тооцоо судалгаа бүхий байх, эрх ашиг нь хөндөгдөх иргэдийн саналыг сонсох,  түүнээс үүдэлтэй эдийн засгийн үр дагаврыг тооцоолон шийдвэрээ гаргах ёстой. Гэвч Засгийн газар илт хууль бус үндэслэл тооцоололгүй шийдвэр гаргалаа” хэмээн ярьсан юм.

Мөн одоо 90 км үргэлжлэх нүүрсний тээвэрлэлтэд үүссэн урт дарааллыг Цагаан хадны боомтыг хааснаар шийдэхгүй. Харин эсрэгээрээ хилийн боомт дээр ачааллыг төвлөрүүлж, тэнд гардаг гэмт хэрэг, авто тээврийн осол, аваарыг нэмэгдүүлэх магадлалтай гэлээ.

Энэ тухай Өмнөговь аймгийн Засаг дарга Н.Наранбаатар “ Цагаан хаданд олон хүмүүс цуглардаг, гэмт хэрэг зөрчил гарах, хилээр хууль бусаар бараа бүтээгдэхүүн гаргадаг гэсэн  үүднээс хаасан. Гэхдээ энэ асуудлыг цэгцлэх бүрэн боломжтой. Өмнө нь Засгийн газраас 30 хүний орон тоотой цагдаагийн хэлтэс байгуулах тогтоол гарсны дагуу цагдаагийн тасаг ажиллаж байна. Эмч, сувилагчдыг ажиллуулах төсөв нь батлагдсан. Багийн дарга нь томилогдсон гээд яг энэ асуудлуудыг шийдэхээр төлөвлөөд, ажлаа эхлүүлсэн” гэв.

ТАВАНТОЛГОЙ УУРХАЙ НҮҮРСНИЙ АЧИЛТАА ТҮР ЗОГСООЖЭЭ

Асуудлыг бүхэлд нь харвал, Гашуун сухайтын боомтоос 23 км зайтай орших Цагаан хадны гаалийн хяналтын бүсэд орон нутгийн Тавантолгойн уурхайгаас ачсан нүүрсийг буулгаж, дамжуулан ачих процесс явагддаг аж. Энэ нь орон нутгийн Тавантолгой компани болон хувийн машинаараа нүүрс тээвэрлэдэг аж ахуйн нэгжүүдэд ашигтайг албаны эх сурвалж хэлэв. Харин байгаль орчинд сөргөөр нөлөөлөхөөс гадна Ганц модын боомт руу нүүрс зөөх машинуудын хөдөлгөөний эрчимд саад болдог нь тус боомтыг хаахад хүргэсэн бололтой. Мөн  хил, гаалиар хориотой бараа тээвэрлэх боломжийг бүрдүүлж байна гэж Засгийн газар үзсэн юм.

“Манайд одоохондоо дээрх шийдвэр албажин ирээгүй ч, шийдвэрийн хэрэгжилтэд бэлдэж, шинээр нүүрс буулгахгүй байх зааврыг Цагаан хад дахь гаалийн хяналтын бүсэд өгсөн. Мөн зөвшөөрөлтэй есөн аж ахуйн нэгжээ хохироохгүй байх үүднээс есдүгээр сарын 4-ний дотор овоолоостой буй 89 мянга орчим тонн нүүрсээ Гашуун сухайтын боомт руу тээвэрлэж дуусах чиглэлийг өгсөн” хэмээн Гаалийн ерөнхий газрын улсын байцаагч В.Болормаа ярив. Тиймээс Тавантолгой уурхай нүүрсний ачилтаа түр зогсоожээ.

НҮҮРСИЙГ ЗӨВХӨН УРТЫН УРТ ТЭЭВРЭЭР БНХАУ-РУУ ЗӨӨНӨ

Урд хөрш рүү экспортлох нүүрсний тээврийг уртын урт, уртын, богинын гэж жолооч нар гурав ангилдаг. Уртын урт нь Таван толгойн ордоосоо нүүрсээ ачаад замдаа буулгахгүйгээр шууд хилээр гаргах. Урт нь Таван толгойн уурхайгаас Цагаан хад хүртэлх тээвэр, Цагаан хадны гаалийн хяналтын бүсээс Ганц модны боомтоор орж, буулгах хүртэлх тээврийг богинын гэж нэрлэдэг байна. Цагаан хадны гаалийн хяналтын бүсийг хааснаар цаашид нүүрсийг урд хөрш рүү зөвхөн уртын урт тээврээр зөөх юм.

Сум дамнасан энэхүү тээвэрлэлтээс үүдэж бэлчээр талхлагдаж, их хэмжээний тоосжилт үүсэн хөрс нь бохирдох болжээ. Энэ нь бүх байгаль орчин болоод нутгийн уугуул оршин суугчдад маш их сөрөг нөлөөтэйг дөрвөн жилийн өмнө Ардчилсан нам засаг барих үед Байгаль орчин аялал жуулчлалын яамнаас мэдээлж, мөн л тус хяналтын бүсийг хаах шийдвэрийг Засгийн газраас гаргаж байсан удаатай. Тухайн үед Цагаан хадны гаалийн хяналтын талбайн байгаль орчинд учруулсан хохирлын үнэлгээг тогтоох, нөхөн сэргээх зардлыг тооцох үүргийг салбарын яам нь хүлээсэн ч, одоогоор энэ талын дүгнэлт судалгаа байхгүй байна.

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

10 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2017-08-23 122.201.31.31

МАН-ыхан ЗҮТГЭНЭ Өөрсдөө БАЯЖИНА ЗОРИЛГО нь ТЭР Одоогийн байдлаар ОУВС-ийн шахалтанд орсон тэнэглэл Рио Тинтогийн амыг дагасан бялдуучлал Морин Уяачдын төрд шургалсан алагчлал МИЕЭ Энхболдын тойрон хүрээлэгчдийн долигнол Ард түмнээ хуулиар дарамталсан дарангуйлал Ахмад настан бяцхан үрсээ алаг үзсэн төрийн бодлого Албан тушаалтнуудаа ээлжлэн шагнахаас өөр ажилгүй хотын бодлого 60 тэр бумыг босгох даалгаварт шахагдсан жалга довын томилгоонууд Газрын наймаагаар гаршсан хотын удирдлага Элдэв татвар нэмж өөрсдөө тансагласан эрх баригчид Эрдэнэтийг тойрсон элдэв маргаан Энэ бүхэнд дургүйцэж цөхөрсөн ард түмэн л байх шив дээ

Avatar

Зочин монгол 2017-08-23 103.57.95.165

Таван толгойгоос тээвэрлээд шууд хил гаргаж хядадад худалдаж өгдөг тээвэрлэлт нь л байх ёстой Энэ нь монгол улсын эрх ашиг үүнээс өөр эрх ашиг гэж байхгүй Нүүрс түр зуур үнэ хүр ч байгаа дээр уртын урт тээвэрлэлтийг дагнан хийж жаахан чгэсэн нүүрс илүү борлуулах нь улс орны эрх ашиг шүү Хэдэн [Хориотой Үг] Өмнөговийн иргэдийн нэрийг бариад худлаа яриад байх хэрэггүй Аймгийн засаг дарга Наранбаатар наад хэдэн дарга [Хориотой Үг] чинь цагаан хадны бизнесээс ашгаа олдог байх тэгээд л иргэдийг нэрийг урдаа барьж засгийн шийдвэрийг эсэргүүцэж байна

Avatar

зочин 2017-08-23 103.57.95.165

Өмнөговийн гэх таньдаг захирал гм алга энэ дотор Говийн байгаль бохирдуулж хэдхэн луйварчин _ аймгийн иргэдийн нэр барьж бизнес хийж байгаа Тиймээс цагаан хадны гаалын хяналтын бүсийг хаасан зөв Улс орны эрх ашгаа бодох ёстой Энэ хэдэн компани Өмнөговийн иргэдийн нэрийг барьж худлаа ярьж байна Засгийн газар зөв шийдвэр гаргасан Яаралтай албажуулж хэрэгжүүлэх хэрэгтэй

Avatar

uvur mongoliin zaluu 2017-08-23 117.136.38.48

mongol uls hytadiin margaantai ulstoi gadaad nvvch tohroo hiisen ni ulmaas hytadchud hariuu yavlz bn shdee mongolchudaaa

Avatar

uvur mongoliin zaluu 2017-08-23 117.136.38.48

mongol uls hytadiin margaantai ulstoi gadaad nvvch tohroo hiisen ni ulmaas hytadchud hariuu yavlz bn shdee mongolchudaaa

Avatar

Санаа зовнигч тээвэрчины төлөөлөл 2017-08-23 202.21.115.242

Ээ та нар яаан юм ойлгодогүй гарууд вээ ууган тавантолгойнхоон Цагаанхадыг хаах асуудлыг далдуураа Энэржийнхэн лобидоод яваад байгаашдээ учир нь тэд давхар чиргүүлтэй машинаа байнга шууд гаргахаар урд найуудтайгаа тохирсон тэд та нар чаддаг юм бол Цаганхадаа хаалгаадах гэсэн хариу өгсөн

Avatar

иргэн 2017-08-23 27.123.214.107

зөвшөөрөл авсан 9 хөн компанийн эрх ашиг чухал уу мөнхөд оршихийн тулд байгал орчиноо хамгаалах нь зөв үү үнээ тохироод зөвшөөрөлтэй газраар нь нүүрсээ гаргах хэрэгтэй Цагаан хаданад ямар хяналтгүй байгалийн баялаг хууль бусаар гарч хэдэхэн хүн хямдаар хятдуудад нүүрс өгч баяжиж байгаа шүү дээ олон нийтээ болсон ямар ч сайн үйлс хийгээгүй тул хаасан нь зөв зөв

Avatar

Зочин 2017-08-23 150.129.141.30

Tumur zamtai bol mongoliin bayalag hedhen ger buliin gart orood duuslaa gesen ug

Avatar

Зочин 2017-08-23 202.131.245.210

Zuw shde zamdaa buulgaad dahij tsash n achih gj lai bizde urtug zardal n ch gsn neg achsan bol hil dawtlaa l yawbal ene n ali alindaa ashigtai blgui de

Avatar

Зочин 2017-08-23 103.26.194.143

Төмөр замаа барьчаасай Новшийн Женко хулгайчаас болж асар их орлогоо алдаж байнаа Монголчууд

NewsMN Гар утасны хувилбар Татах
NEWS.mn

Мэдээллийн эх сурвалж