УИХ-ын гишүүд Засгийн газрыг огцруулахаар гарын үсэг цуглуулж байна гэх мэдээлэл наадмын дараа цацагдаж эхэлсэн. Тэгвэл уг мэдээллийг Засгийн газрын Хэрэг эрхлэх газрын дарга Ж.Мөнхбат үгүйсгээгүй. Гэхдээ одоо ийм бичиг бариад явж байх нь тохиромжгүй гэж тэрбээр шүүмжилсэн юм. Учир нь өвөлжилтийн бэлтгэл ажил, хичээлийн шинэ жил, сургалтын төлбөр, дулаан, цахилгаан, өв тэжээл гээд Засгийн газарт мундахгүй их ажил байгааг сануулсан билээ.

Засгийн газрыг огцруулах албан бичиг УИХ-ын гишүүн Т.Аюурсайханы бланк дээр үйлдэгдсэн гэдгийг эх сурвалж мэдээллээ. Одоогоор 30 гаруй гишүүн гарын үсгээ зурсан гэх албан бус мэдээлэл байна.

Т.ДАВААНЯМ