Өнгөрсөн долоо хоногт АНУ-ын эрчим хүчний яамны ээлжит тайлан гарсны дараа нефтийн үнэ эрчимтэй дээшлэв. Гурав хоногийн өмнө уг илтгэл Америкийн нефтийн нөөцийн талаар мэдээлсний дараа Brent маркийн үнэ гурван хувиар нэмэгдлээ. Америкийн WTI нефть 2,9 хувиар үнээ нэмжээ.

Пүрэв гаригийн арилжааны хаалтаар Лондоны ICE бирж дээр Brent нефтийн баррель нь 52,62 ам.доллар хүрсэн нь өмнөх өдрийн арилжааны үнээс 3,12 хувиар илүү болсон байна. WTI нефть 2,89 хувиар буюу баррель нь 48,45 ам.доллараар арилжаалагдсан байв.

Наймдугаар сарын 4-нөөс 11-ний хооронд долоо хоногийн хугацаанд АНУ-ын нефтийн нөөц 8,9 сая баррелиар багасан 466,5 сая баррельд хүрчээ. Мөн Хятад, Вьетнамд оны сүүлийн хагас дотор нефтийн эрэлт нэмэгдэнэ гэсэн дүгнэлт үнийг өсгөсөн байна.

Бэлтгэсэн Ш.МЯГМАР