Ерөнхий зориулалтын агаарын хөлгийг монголдоо угсарч эхэллээ | News.MN

Ерөнхий зориулалтын агаарын хөлгийг монголдоо угсарч эхэллээ

Хуучирсан мэдээ: 2017.08.17-нд нийтлэгдсэн

Ерөнхий зориулалтын агаарын хөлгийг монголдоо угсарч эхэллээ

Ерөнхий зориулалтын агаарын хөлгийг монголдоо угсарч эхэллээ

“МИАТ” ТӨХК-ийн Агаарын хөлгийн засвар үйлчилгээний газар анх 2006 онд Европын холбооны улсуудын иргэний нисэхийн дүрмийн хүрээнд өөрийн агаарын хөлөгт хөнгөн, хүнд хэлбэрийн техник үйлчилгээний ажил хийж эхэлснээс хойш өнөөдрийг хүртэл ОХУ, Турк, Тайланд, БНСУ болон дотоодын иргэний агаарын тээврийн компаниудын SAAB340, Фоккер-50, ATR-72, Бойнг 737, Бойнг 767 зэрэг агаарын хөлгүүд болон түүний эд ангид хүнд хөнгөн хэлбэрийн техник үйлчилгээ үзүүлж байна.

2017 оны эхний хагас жилийн байдлаар Агаарын хөлгийн засвар үйлчилгээний газар нь БНСУ –ын “EastarJet”, “T’Way” “Jeju Air” компаниудын В737NG маягийн 11 агаарын хөлөг, “ОХУ -ын “UT Air” компанийн 1, мөн тус улсын “Alrosa” компанийн 1 агаарын хөлгийн хүнд хэлбэрийн техник үйлчилгээний ажлуудыг гүйцэтгээд байгаа юм.

Зам, тээврийн хөгжлийн сайд Д.Ганбат “МИАТ” ТӨХК-ийн Агаарын хөлгийн засвар үйлчилгээний газрын үйл ажиллагаатай танилцаж, цаашид бодлогоор дэмжиж ажиллахаа илэрхийллээ. Тэрээр “АН-2-ыг шинэчилж, ОХУ-тай хамтран ТВС-2МС агаарын хөлгийг угсарснаар хөдөө аж ахуй, гал түймэртэй тэмцэх, онцгой байдал, эрүүл мэндийн тусламж үйлчилгээ үзүүлэхэд ашиглах бөгөөд энэ ажлыг ЗТХЯ-аас бодлогоор дэмжиж, хэрэгжүүлнэ” хэмээн хэллээ.

Ингэснээр өөрсдийн дотоод нөөц бололцоо, материаллаг баазаа зөв зүйтэй ашигласны үр дүнд орлогоо тогтмол нэмэгдүүлэн ажиллаж байгаа хэмээн албаныхан мэдээллээ.

Мөн Монгол Улсын Засгийн газар, Зам, тээврийн хөгжлийн яамнаас “Ерөнхий зориулалтын агаарын тээврийг Монгол Улсад хөгжүүлэх” бодлогын хүрээнд ОХУ-д үйлдвэрлэгдсэн АН-2 маягийн агаарын хөлгийн эд анги, хөдөлгүүрийг өөрчилж, шинэчлэхээр ажиллаж эхэлжээ. Одоогийн байдлаар ОХУ-ын инженер, мэргэжилтнүүдтэй хамтран 2 агаарын хөлөгт задаргаа хийж, угсарч эхлээд байна. ТВС-2МС маягийн Ерөнхий зориулалтын агаарын хөлгийг Монголд угсарснаар зардал бага бөгөөд Монгол инженер техникийн ажилтнууд гадны улс орны мэргэжилтнүүдтэй туршлага солилцож, чадавхижих ач холбогдолтой юм байна.

Эх сурвалж: ЗТХЯ

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2017-08-17 66.181.177.135

Америк хөдөлгүүртэй АН 2 онгоц угсарч болноо Гэхдээ оросын нэг халтуурын компанитай хамтарч байна гэхээр санаанд нэг л бууж өгөхгүй бна Онгоц угсарна гэдэг маш хариуцлагатай хүний амь нас ярих асуудал шүү дээ

Avatar

Зочин 2017-08-17 122.201.22.45

Ерээд онд олон ан2 голоод муулаад зугээр шахам гадныханд зарчихсан одоо ондор унээр оруулж ирж энд угсарсан жужиг тавьж байнадаа Энэ бухнии ард хэдэн луйварчин л байгаа

Avatar

зочин 2017-08-17 202.21.106.131

Ангараг руу нийсэх хэрэгтэй байна шүү дээ

Avatar

Зочин 2017-08-17 202.21.106.131

Sain bna agaariin hulguu ugsarch surna gedeg devshil Нэг хэсэг нь ердийн агаарын хөлгөө угсарч сурч байхад нөгөө хэсэг нь Сансарын Пуужингаа угсарч сурах хэрэгтэй Хойд Солонгосууд өлөн зэлмүүн өлсгөлөн гачлантай хориотой хаалттай мөртөө цөмийн Пуужин угсараад байхад манайх бүх юм нь бэлэн зэлэн байхад юугаараа дутах юм

Avatar

тагалцаг 2017-08-17 66.181.183.158

негее унадгийг оросоос мотор авчирж зугээр солих гэж л байгаа биз хэзээ манайхан мотор хийдэг болцийн машиныхаа яая гэжийж

Avatar

Зочин 2017-08-17 157.14.197.20

Ali ch yumand technology-iin bolon hariutslagiin sahilga bat baidaggyi uchir Mongolchlood alga bolgodog arga bariltai Tgeed eersdiigee uhaantai gej gaihatsgaana

Avatar

sain 2017-08-17 202.21.116.2

mash sain baina

Avatar

Амар 2017-08-17 202.179.25.155

Ёстой сайхан мэдээ байна

NewsMN Гар утасны хувилбар Татах
NEWS.mn

Мэдээллийн эх сурвалж