Хуш модны самрыг ирэх есдүгээр сарын 10-аас өмнө түүвэл хариуцлагад татагдах болж буйг албаныхан анхаарууллаа.

Ашиг олохын тулд дээр заасан хугацаанаас өмнө хуш модны самар түүж, борлуулах тохиолдол их гардаг. Үүнээс болж, хуш модыг ихээр гэмтээж, дахин үр жимс өгөх боломжгүй болгодог аж.

Иймээс Нийслэлийн Байгаль орчны газар, Улсын Мөрдөн байцаах алба хамтран ирэх сарын 10-ныг хүртэл Баянзүрх, Чингэлтэй, Сүхбаатар, Сонгинохайрхан дүүргийн ойн сан бүхий нутаг дэвсгэрт хяналт тавин ажиллаж буй юм байна.

Г.ХОРОЛ