Цагдаагийн ерөнхий газрын даргын үүрэг гүйцэтгэгч асан Ч.Амарболд БНХАУ-ын Эрээн хотод консулаар томилогдон очжээ.

Наймдугаар сарын 1-ээс ажилдаа орсон тухай “Medee.mn”-д мэдээлсэн байна.

Гадаад орнуудад суух консулыг Гадаад харилцааны яамнаас томилдог.

Энэ дагуу дээрх шийдвэрийг Гадаад харилцааны сайд Ц.Мөнх-Оргил гаргасан гэх мэдээлэл байна.

Өнгөрсөн сард Ч.Амарболд генералыг консулаар томилогдон ажиллах болсон тухай яриа гарахад Б.Энхбаяр нар “2008 оны долдугаар сарын 1-ний үймээнийг зохицуулж чадалгүй таван залуугийн амь насыг хохироосон хүн Монголыг төлөөлөн консулаар томилогдон ажиллаж болохгүй” гэж хэвлэлийн хурал хийж байв.

Г.ХОРОЛ