Гоц халдварт өвчний үед хэрхэн ажиллах сургалтад хамрагдав | News.MN

Гоц халдварт өвчний үед хэрхэн ажиллах сургалтад хамрагдав

Хуучирсан мэдээ: 2017.08.14-нд нийтлэгдсэн

Гоц халдварт өвчний үед хэрхэн ажиллах сургалтад хамрагдав

Гоц халдварт өвчний үед хэрхэн ажиллах сургалтад хамрагдав

Зүүн бүсийн ХХААГ, Мал эмнэлэг, үржлийн тасгийн мэргэжилтнүүдэд зориулсан сургалт зөвлөгөөн Хэнтий аймгийн Баян-Адарга суманд амжилттай зохион байгуулагдлаа. Сургалт зөвлөгөөнд Дорнод, Дорноговь, Хэнтий, Сүхбаатар, Говьсүмбэр аймгийн 200 гаруй мэргэжилтнүүд оролцов. Сургалтын үйл ажиллагаанд ХХААХҮ-ийн сайд П.Сэргэлэн, Дэд сайд Ж.Сауле, ХХААХҮЯ-ны Бодлого төлөвлөлтийн газрын дарга М.Энх-Амар, ХШҮДАГ-ын дарга Д.Совд, Хуулийн хэлтсийн дарга Б.Батцэцэг болон бусад албаны төлөөлөл оролцож, Монгол Улсын Засгийн газрын үйл ажиллагааны хөтөлбөр, ХХААХҮЯ-ны бодлого, төсөл хөтөлбөр, цаашид авч хэрэгжүүлэх ажлын талаар мэдээлэл өгч, аргазүйн зөвлөгөө, чиглэл өгч ажиллав.

Сургалт зөвлөгөөнд ХХААХҮ-ийн сайд П.Сэргэлэн үг хэллээ. Тэрээр “Сургалт зөвлөгөөнийг зохион байгуулснаар Монгол Улсын Засгийн газрын үйл ажиллагааны хөтөлбөрт орсон ХХААХҮЯ-ны хэрэгжүүлэх ажлыг хэрхэн уялдаа холбоотой хэрэгжүүлэх, уулзалт ярилцлага хийж, аймгуудын мэргэжилтнүүдийн хоорондын уялдааг сайжруулах зэрэг чухал ач холбогдолтой. Манай орны зүүн бүсийн аймгууд малын гоц халдварт өвчний голомтын онцгой онцгой бүс нутаг. Иймд тухайн бүс нутагт ажиллаж байгаа хөдөө аж ахуйн салбарын анхан шатны мэргэжилтнүүдийг чадавхжуулах сургалт зөвлөгөөнийг салбар яамнаас зохион байгууллаа. Сургалтаар салбар яамны бодлого чиг үүргийг таниулахаас гадна, мэргэжилтнүүд хоорондоо өөрсдийн туршлагаасаа солилцож байна.” хэмээн онцлов.

Сургалт зөвлөгөөний үеэр зохион байгуулагдсан гол ажлын нэг нь малын гоц халдварт өвчний үед анхан, дунд шатанд ажиллаж байгаа мэргэжилтнүүд өвчлөл гарсан үед анхан шатны тусламжийг хэрхэн үзүүлэх талаар үзүүлэх сургалтыг зохион байгууллаа. Үзүүлэх сургалтаар анхан дунд шатанд ажиллаж байгаа мэргэжилтнүүд хоорондоо туршлага солилцож, цаашид малын гоц халдварт өвчлөлийн үед хэрхэн анхан шатны тусламж үзүүлэх, өвчлөлийг эрүүл бүс рүү тараахгүй байхад ямар арга хэмжээ авах зэрэг олон талын мэдээлэл өгсөн, ач холбогдолтой сургалт боллоо.

Мөн Хэнтий аймгийн 18 сумын Мал эмнэлэг, үржлийн тасагт мотоцикл гардуулан өглөө. Энэ нь анхан шатанд ажиллаж буй мэргэжилтнүүд Монгол Улсын Засгийн газрын үйл ажиллагааны хөтөлбөр, салбарын бодлого, бүс нутгийн хөгжлийн зорилт, үйл ажиллагааг орон нутагт амжилттай хэрэгжүүлэхэд онцгой хувь нэмэр оруулах юм.

Эх сурвалж: ХХААХҮЯ

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2017-08-14 66.181.179.10

ХУУЧНААР БОЛ СЭМ НАЙР ЮМ ДАА ЭМ ТАРИА БАГАЖ ХЭРЭГСЭЛГҮЙ ГАР МУХАР ШАХУУ ХҮМҮҮС ЯАЛТАЙ МАЛЫНХАА ӨВЧНИЙГ ДАРЖ ЧАДАХГҮЙ БАЙЖ МАХ ЭКСПОРТОЛНО ГЭЖ БҮЛТ БҮЛТ ҮСРЭЭД Л

NewsMN Гар утасны хувилбар Татах
NEWS.mn

Мэдээллийн эх сурвалж