Төрийн тэргүүнээр ажилласан эхний 100 хоногт Макроны бүтээсэн ажилд францчуудын 36 хувь нь таатай ханджээ. Францын олон нийтийн санал бодлыг судлах хүрээлэн (IFOP) Le Figaro сонины захиалгаар уг судалгааг явуулжээ.

Санал асуулгад оролцогсдын үлдсэн 64 хувь нь Макроны үйлдэлд сэтгэл дундуур үлдсэн байв. Харьцуулбал, Макрон сонгогдсоны дараа түүнийг францчуудын 62 хувь нь дэмжиж байлаа. Харин одоо түүний рейтинг 26 хувиар буурчээ.

Өмнөх Ерөнхийлөгч нартай харьцуулахад Макроны дүн чамлалтай байна. Тухайлбал, Олландын зуу хоногийнх нь ажлыг 46 хувь нь сайнаар үнэлж байсан бол, Николя Саркозыг 45 хувь нь дэмжиж байжээ.

Бэлтгэсэн Ш.МЯГМАР