Робот ашигласны улмаас ирээдүйд ажилгүйдлын давалгаан үүснэ гэсэн маргаан эрчимжих хандлагатай болсон энэ цагаар Өмнөд Солонгосын Засгийн газар аж үйлдвэрийн автоматжилтийг буулгахад чиглэгдсэн  анхны алхамыг хийлээ гэж The Korea Times сонин бичжээ.

Саяхан тус орны татварын хууль журмыг шинэчлэхээр бэлтгэсэн төлөвлөгөөндөө Өмнөд  Солонгосын ерөнхий сайд Мүн Чэ Инийн засгийн газар үйлдвэрлэлийг нэмэгдүүлэхэд чиглэгдсэн дэд бүтцэд үйлдвэрийн хөрөнгө оруулалтыг хөнгөлж байсан өмнөх арга хэмжээг бууруулахаар шийджээ.

Өнөөдөр аж үйлдвэрийг  автоматжуулахад  хөрөнгө оруулж байгаа үйлдвэрүүд нь хөрөнгө оруулалтынхаа хэмжээний 3-7 хувийн хөнгөлөлттэй татвар төлдөг. Хувийг нь компанийн бизнесийн хэмжээнээс болон тогтоодог ажээ.

Ийм арга хэмжээ нь жилийн буурах бөгөөд Засгийн газар нь тэр хэмжээг хоёр хувиар  буулган 2019 он хүртэл байлгах санал дэвшүүлээд байна.

Роботод тогтоосон татвар гэдэг нь аж үйлдвэрт робот   төхөөрөмж хэрэглэж байгаагаас авах мөнгө гэсэн ойлголтыг хэлж байна. Хэрэв компаниуд  илүү ухаалаг, хүчтэй роботуудыг ашиглаад эхэлбэл ажлын байр буурах юм. Ийм нөхцөлд Засгийн газар нь ажилгүйдэл өссөнтэй холбоотойгоор нийгмийн халамжийн хөтөлбөртөө  ихээхэн хөрөнгө зарах хэрэгтэй болно. Тиймээс роботын татвар ойлголтыг  тийм нөхцөлд төсөвт орох орлого буурсныг нөхөх зорилгоор гаргаж байна.

‘Роботод тавьсан шууд татварын тухай  яриа өрнөөгүй ч  Засгийн  газрын энэ алхамыг  аж үйлдвэрийн автоматжилтын асуудалтай холбоотой  бодлогын “эхлэл” гэж болно” хэмээн  салбарын мэргэжилтнүүдийн нэг хэлжээ.  Одоохондоо роботоос авах татварын  талаар яриа өрнөж байгаа ба ямар ч улс  роботод албан ёсны татвар ноогдуулаагүй байна.

Бэлтгэсэн Ш.МЯГМАР