Ховд аймгийн төвөөс-Баян-Өлгий аймгийн чиглэлд зорчиж явсан 66-64 ХОҮ улсын дугаартай суудлын автомашин, 26-58 БӨА улсын дугаартай ачааны автомашины араас мөргөж, нэгэн эмэгтэй амиа алдсан харамсалтай хэрэг болжээ. Энэ хэрэг өчигдөр Баян-Өлгий аймгийн Буянт сум, Шар нуур гэдэг газар болсон байна.

Ослын улмаас нэг хүн автомашины төмөр эд ангид хавчуулагдсан тухай дуудлага тус аймгийн Онцгой байдлын газар ирж, хэргийн газарт очиход үл таних эмэгтэй амиа алдсан байжээ. Цогцсыг цагдаагийн газрын жижүүрийн бүрэлдэхүүнд шилжүүлж өгчээ.

Г.ОЮУ