Фейсбүүкээр танилцсан эмэгтэйгээ гэртээ хорьж, хүчирхийлсэн хэрэг гарчээ. Энэ хэрэг явдал Улаанбаатар хотод болсон байна.

Тодруулбал, тэд фейсбүүкээр танилцсанаас хойш сарын дараа буюу наймдугаар сарын 1-нд Тэрэлж рүү явжээ. Хохирогч эмэгтэйг М гэдэг 21 настай,  харин эрэгтэй О нь 43 настай аж.

Тэрэлжид очиж нэг хоносныхоо дараа М-ийг гэртээ авчирч арав хоног хорьж, энэ үеэрээ хүчирхийлсэн байна.

М нь фейсбүүкээрээ дамжуулан нэгэн иргэнээс тусламж хүссэн. Ингэснээр Нийслэлийн Баянзүрх дүүргийн цагдаагийн хэлтэст энэ сарын 10-нд “Кристал таун” хотхоны байранд хүн барьцаалсан бололтой” гэсэн дуудлага ирснээр хохирогчийг суллаж авчээ.

Тухайн үед гэрийн хаалга түгжээтэй байсан тул цагдаагийнхан цонхоор нэвтэрч, М-ийг гаргаж авчээ.

Цагдаагийнхан одоо О-г энэ хэрэгт холбогдуулан эрэн сурвалжилж байгаа юм байна. Тэрбээр өмнө нь хүчингийн хэрэгт холбогдож байжээ.

Г.ОЮУ