Экспортлогддоггүй мах | News.MN

Экспортлогддоггүй мах

Хуучирсан мэдээ: 2017.08.12-нд нийтлэгдсэн

Экспортлогддоггүй мах

Монгол Улс Вьетнам улс руу ямааны мах экспортлохоор болсон тухай яриа гарснаас хойш өвөл өнгөрч, намар залгажээ. Гэвч өнөөх ямааны махнаас нэг тонн нь ч экспортод гардаггүй. Малаа зарж борлуулахын түүс болсон малчид чих тавин хүлээх ч дахиад л хүлээх болж байна.

Монгол, Вьетнамын Засгийн газар хоорондын комиссын хуралдаан энэ сарын 8-10-ний өдрүүдэд болж, зарим тохиролцоонд хүрлээ. Тухайлбал, хоёр тал Хүнсний эрүүл ахуйн гэрчилгээг тохиролцлоо. Ингэснээр 2017-2018 онд эхний ээлжинд туршилтын журмаар Монголоос 200 тонн гүн хөлдөөсөн ямааны мах, дулааны аргаар боловсруулсан махан бүтээгдэхүүн, Вьетнамаас гүн хөлдөөсөн далайн болон хүнсний бусад бүтээгдэхүүн харилцан нийлүүлэх болж буй юм.

Гэхдээ яг хэзээнээс ямааны мах экспортод гаргах вэ гэдэг тодорхойгүй ч энэ ондоо багтах болов уу гэсэн хүлээлт байна.

Монгол Улсын мал сүргийн тоо 70 сая толгойд хүрсэн. Үүний 25 сая гаруй толгойг зөвхөн ямаан сүрэг эзэлдэг.

Бэлчээр ихээр талхалдаг гэж ад үзэгддэг ч жил бүрийн хавраар ноолуурынх нь үр шимээр малчид зээлээ төлж, гурил, будаагаа авч, нүүдэл суудал хийх боломжтой болдог учраас амьдралыг нь залгуулдаг гол баялаг гэж хэлж болно. Иймээс ч жил ирэх тусам тоо толгой нь хурдацтай өсөж байгаа. Экспортод гаргадаг болсноор малчид орлоготой болох нэг сувагтай болно.

Ямааны мах нь сэрүүн чанарын махан бүтээгдэхүүнд хамаардаг тул халуун орнуудад хүнсэнд хэрэглэхэд хамгийн тохиромжтойд тооцогддог байна.  Харин монголчууд хүнсэндээ ямааны махыг хэрэглэх нь бага. Ихэвчлэн зуны улиралд хэрэглэдэг.

Монгол Улс өнгөрсөн хугацаанд Орос, Хятад зэрэг орнууд руу мах экспортолж байсан ч түүнд нь ямааны мах багтаж байгаагүй. Иймээс Вьетнам улс руу гарц нээснээр шинэ сувагтай болно.

Одоо гол нь тохиролцсоноо ажил хэрэг болгож чадвал ямаа зөвхөн ноолуураараа дэлхийд танигдаад зогсохгүй сайн чанарын хүнсний бүтээгдэхүүн болох боломж байна.

Г.ХОРОЛ

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

14 сэтгэгдэл

News.mn сайтад сэтгэгдэл оруулахад анхаарах зүйлс

Avatar

ЗОЧИН 2017-08-12 103.14.36.6

ҮЙЛДВЭРЛЭГЧ БЭЛТГЭН НИЙЛҮҮЛЭГЧ БИДНИЙ АЖЛЫГ ЭНЭ ХЭВЛЭЛИЙНХЭН ДАНДАА ХАРЛУУЛЖ БНА МОНГОЛ УЛСААС ЭНЭ ЖИЛ БАГАГҮЙ МАХ БОЛОВСРУУЛАН ӨӨРӨӨР ХЭЛБЭР ДУЛААНЫ АРГААР БОЛОВСРУУЛАН ГАРГАСАН ГЭТЭЛ ТӨР ХУВИЙН ХЭВШЛИЙН ХИЙСЭН АЖЛЫГ ХАРЛУУЛЖ БАЙНА ҮЙЛДВЭРЛЭГЧ ЭКСПОРТЛОГЧ БИДЭНТЭЙ УУЛЗАЖ СУРВАЛЖЛАГА БЭЛТГЭХ ХЭРЭГТЭЙ АМНЫ ПИНГААР ИНГЭЖ БИЧИЖИ БОЛОХГҮЙ ХҮНСНИЙ ЭРҮҮЛ АХУЙН ГЭРЧИЛГЭЭГ ТОХИРОЛЦОНО ГЭДЭГ МАШ ЧУХАЛ АЖИЛ

Avatar

Зочин 2017-08-12 202.55.191.130

ямар ч үнэ цэнэгүй хаана ч зарагддаггүй монголын экобалансыг алдагдуулж дуусч байгаа энэ олон сая малын тоог 50 хувь багасгах асуудлыг тал талаас бодолцох хэрэгтэй

Avatar

Зочин 2017-08-12 112.72.11.122

[Хориотой Үг]

Avatar

Зочин 2017-08-12 103.26.193.56

малын эмнэлэг малын

Avatar

Зочин 2017-08-12 103.26.193.56

скот монголоор бичихээр хориотой үг болчихдог

Avatar

Зочин 2017-08-12 103.26.193.56

[Хориотой Үг] гэдэг хориотой үг юм уу

Avatar

Зочин 2017-08-12 103.26.193.56

[Хориотой Үг] эмнэлгээ байхгүй болгочихсон болохоор [Хориотой Үг] өөрөө эрүүлжих үү

Avatar

Зочин 2017-08-12 122.201.24.42

Бэлчээрийн [Хориотой Үг] аж ахуйн сул тал гэх үү Эрүүл биш малын мах гэж тооцогддог байна Хямд л өгөх хэрэгтэй байх

Avatar

Малаа эрүүлжүүл 2017-08-12 202.9.42.179

монголчууд бие биедээ хорт бүтээгдэхүүн өгдөг шигээ [Хориотой Үг] зангаараа гадныхнд хандахаар хэн мах авах билээ Ивомик замбраагүй тарьчихаад нядлаад л захуудад шахна хяналтын байгууллагууд ч мэдсэн ч хэнэггүй тэгээд л өнгөрнө Хиам хиаман бүтээгдэхүүнд технологио баримталдаг үйлдвэр компани бараг үгүй
Өдөр бүр л аймаг сум болгонд шулхий галзуу мэт халдварт өвчинүүд гарна Хяналт муугаас халдвар хаа саагүй тархана өвчтэй малыг махыг бүрэн устгалд оруулж байгаа нь ч эргэлзээтэй Шинж нь илэрмэгц малчид нядлаад захууд борлуулдаг гэсэн аймшигт сураг үе үе гарна Ходоод элэг дотор эрхтний хорт хавдраар МУ дэлхийд нэгдүгээр орж буйн учирыг нягталж буй ЭМЯ мэт хяналтын энэ мэт 80 байгууллага таг МУ-д байнга гарч буй Малын дээрхи олон өвчин хавдрын бүх мэдээллийг мах авдаг гадаад орнууд анхааралтай судалж байдаг Иймээс ч ОХУ [Хориотой Үг] Вьетнм иргдийнхээ амь насыг бодон зай барьж ирсэн Малаа эрүүлжүүл гэж энэ орнууд бараг 30 жил гуйлаа Манайхан хэнэгүйтсээр өдий хүрсний бурууг энэ орнууд руу чихнэ МУ ганцхан махтай биш Шиэ зелнд Австрли гээд дэлхийн хаа сайгүй мах байна Ийм байж манайх яаж өөдлөх

Avatar

Zochin 2017-08-12 27.123.214.116

Uvul ungurch namar zalgalaa ch geh shig Bichij ug uguulberee anzaarahgui bgaa setguulch medeeniihee utga aguulgad anhaarsan bh uu

Avatar

Зочин 2017-08-12 202.131.236.170

Ямааны мах нэрээр [Хориотой Үг] руу гаргадаг юм ХХААҮ яамныхан жил бүр ард олоноор шоу хийдэг ээ зогсоо Жилд 120000тн мах гаргана гээд байсан нь хаана байна Хэдэн жил болж байна Мах сүүний аян гээд ард олоныг толгой угаадагаа болих хэрэгтэй Яамаараа нийлж нэг кампанид тендер нэрээр мөнгө өгч төсөвийн мөнгө цохидогоо боль

Avatar

Экспортлоогүй юм уу. 2017-08-12 202.179.26.113

Ямааны махыг чинь экспортлоод байгаа л гэж бодоод байсан чинь тархиа угаалгачихсан байна ш дээ

Avatar

Зочин 2017-08-12 103.229.122.244

Тэр далайн өт хорхойг нь хэн идэх юм бэ

Avatar

Зочин 2017-08-12 202.179.27.114

Болоогүй юмыг дарга нар мөн ч их ярьсандааа

NewsMN Гар утасны хувилбар Татах
NEWS.mn

Мэдээллийн эх сурвалж