“Дэлхийн цагдаагийн спортын их наадам” энэ сарын 7-ны өдрөөс АНУ-ын Калифорни мужийн Лос-Анжелес хотод эхэлжээ. Хоёр жилд нэг удаа зохион байгуулагддаг 17 дахь удаагийн наадамд дэлхийн 96 орны 10 мянга гаруй тамирчид олимпийн болон олимпийн бус 55 спортын төрлөөр өрсөлдөж байна.

Наадмын эхний өдөр жүдо бөхийн төрөлд Хан-Уул дүүргийн Замын цагдаагийн хэлтсийн зохицуулагч, цагдаагийн ахлагч Г.Жанчивдорж, Хамгаалалтын гуравдугаар газрын ахлах ахлагч Б.Батгал, ХСИС-ийн дэслэгч Б.Батдорж нар мөнгөн медаль хүртжээ. Мөн Дархан-Уул аймгийн цагдаагийн газрын хошууч Х.Батхишиг алтан медаль, жиү жицү төрөлд мөнгөн медалийн эзэн болсон байна.

Дэлхийн цагдаагийн спортын их наадам нь энэ сарын 17-ны өдрийг хүртэл үргэлжлэх юм байна.

Г.ТҮШИГ