Израильд Ту би-шват гэж нэрлэдэг энэ өдөр борооны улирал дуусч байгалийн шинэчлэл эхэлдэг гэнэ. Ту би-шват нь жүүдийн хуанлийн шват сарын 15-ны өдөр болдог. Жүүaecia дөрвөн он тоолол, дөрвөн хуанли байдаг бөгөөд түүгээр дөрвөн ертөнцийн нас хэмжигдэнэ. Эхний хуанлигаар нисан сараас Израилийн түүх тоологддог бол хоёр дахийн тишрей сараас хүн тө­рөлх­тний түүх эхэл­дэг байна. Гу­рав дахийн элул сараас амьт­дын нас эхлэх ба дөрөв дэхийн шват сараас ургамлын нас эхэл­дэг аж. Нэг жилийн ургацыг нөгөө жи­лийн ургацаас нь ялгахаар Ту би-шват баярыг мэр­гэд нь тогтоожээ.

Еврейчүүд эх нутагтаа буцан ирсний дараа 1890 оны шватын 15-нд түүхч, зохиолч, сургуулийн захирал Зеэв Явиц сурагч нарынхаа хамт анхлан мод суулгасан байна. Эндээс уг өдөр мод тарих уламжлал үүссэн гэдэг. Энэ өдрийн гол баярын хоол унд нь Израильд ургуулсан тариа, жимс байдаг.

Өдрийн ишлэл

“Хайрыг хаалгаар хөөгөөд гаргасан ч цонхоор ороод ирнэ”

1851 оны энэ өдөр жүж­гийн зохиолч Ко­зь­­ма Прутковын эх­лэл  тавигджээ.

Гурван зураач: Лев Михайлович Жем­чуж­­ников, Алек­сандр Егорович Вей­деман, Лев Фелик­сович Лагорио нарын зурсан хөрөг. 1853 он

“1850 он. Гүн А.К. Толстой ба Алексей Михайлович Жем­чуж­ников нар өөрсдийн сэдсэн санаа бодолдоо ноцтой үр дагавар гарахгүй гээд Козьма Прутковаас драмын уран бүтээлийнхээ авьяасыг олж харснаа илэрхийлж байна… “ хэмээн тэд уран бүтээлийн холбоогоо дээрх нэрээр бий болгосноо тайлбарласан байлаа.

Үйл явдал

Лондонд анхны парламентыг зарлан дууджээ

1265 он. III Ген­рих хааны ар­мийг ялсны да­раа бароны сө­рөг хүчний удир­дагч нарын нэг Лестерийн гүн Симон де Мон­фор (1208–1265) Лондон хотноо анхны пар­ла­мен­тыг зарлан цуг­луул­жээ. Түүний бү­рэл­дэхүүнд баронууд, шашны төлөөлөгчдөөс гадна хот, аймгийн сонгогдсон төлөөлөгч нар орсон байв. Олон талын төлөөлөлтэй энэ чуулган Английн парламентаризмын эхлэлийг тавь­жээ. Тэр жилийнхээ наймдугаар сард самуун дэг­дээгчид дарагдаж гүн өөрөө алагдсан ч гэсэн өөрийн эрхийг тогтоосон хаан пар­ла­ментыг хэвээр үлдээсэн байлаа.

Бельгийн тусгаар тогтнол

1830 он: Ев­ропын худал­даа­ны бүх зам Бель­гиэр дамж­даг. Зөөлөн уур амьсгал, тохи­ромж­той газар нут­гийн байрлал, далайн гарч зэрэг нь тус орны хөгжилд асар их нөлөөтэй байв. Мөн энэ нь түүнийг Европын ямар ч дайнаас  хол байлгасангүй. 1815-1830 онд Нидерландын бүрэлдэхүүн байсан Бельгид  бослого гарчI Леопольд вантай тусгаар орон болжээ. 1830 оны энэ өдөр Бельги улс тусгаар тогтносон гэж үздэг. Бельгийн төвийг сахьсан тусгаар тогтнолыг Орос, Их Британи, Франц, Австри, Прусс зэрэг таван гүрэн Лондоны бага хурлаар тунхагласан юм.