“Монгол алт” аяныг хэрэгжүүлж эхэллээ | News.MN

“Монгол алт” аяныг хэрэгжүүлж эхэллээ

Хуучирсан мэдээ: 2017.08.07-нд нийтлэгдсэн

“Монгол алт” аяныг хэрэгжүүлж эхэллээ

“Монгол алт” аяныг хэрэгжүүлж эхэллээ

Монголбанкнаас “Монгол алт” нэртэй гурван сарын аяныг наймдугаар сарын 1-ний өдрөөс эхлүүлснээ өнөөдөр /2017.08.07/ зарлалаа. Монгол Улсын “Эрдэнэсийн сан”-г баяжуулах, гадаадын валютын улсын нөөцийг нэмэгдүүлэх, алт олборлогч, тушаагчдыг дэмжих олон талын ач холбогдолтой “Монгол алт” аян гурван сарын хугацаатай хэрэгжинэ.

Монголбанк 2016 оны арванхоёрдугаар сараас эхлэн алтыг Лондонгийн үнэт металлын биржийн хамгийн сүүлд зарласан үнэ ханшаар авч байгаагийн дээр өмнөх өдрийн ханш өнөөдрийнхөөс өндөр байвал урд өдрийн ханшаар тооцож авах гэхчлэн алт олборлогчдыг дэмжих олон ажил хийж байгааг Монголбанкны Эрдэнэсийн сангийн ахлах эдийн засагч Д.Алтансүх танилцууллаа. Түүнчлэн Монголбанкинд алт тушаах нь эрсдэлгүй, найдвартайн сацуу улсынхаа гадаад валютын сан хөмрөгийг баяжуулахад үнэтэй хувь нэмэр болно гэдгийг тодотгож байлаа.

Алт олборлогчдод ногдуулж байсан 68 хувийн татварыг таван хувь, цаашлаад 2,5 хувь болгон бууруулсан нь алт олборлолтод эерэг нөлөө үзүүлжээ. 2015 онд 14 тонн, 2016 онд 18.3 тонн алтыг Монголбанкинд тушаажээ. Нийт тушаасан алтны 60 хувийг иргэд тушаасан гэсэн статистик гарчээ. Гэвч үүнтэй зэрэгцэн алтыг хил гаалиар хууль бусаар гаргах оролдлого буурахгүй байгаа юм. Тиймээс Монголбанк “Монгол алт” аяныг санаачлан хэрэгжүүлж байна.

“Монгол алт” аяны нээлтэд алт тушаагч аж ахуйн нэгж байгууллагын төлөөлөл, арилжааны банкны ажилтнууд, хэвлэл мэдээллийнхэн оролцсон юм. Нээлтийн үеэр алт тушаагч нарт “Гэрчлэх бичиг” гардууллаа.

Д.ЦЭЭНЭ

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2017-08-07 122.201.21.187

Компаниуд яахаараа хувь хүний нэр дээр алтаа тушаагаад байдаг юм бэ

Avatar

Зочин 2017-08-07 202.21.105.13

"Эх оронч" түр зуурын ашиг харсан 68%-ийн татвар мэт савлагаатай шийдвэрүүдийн мөс хайлж байна Алт эргэн ирж байна Монгол банк Амжилт

Avatar

Зочин 2017-08-07 27.123.212.140

Татвар төлөхгүй бол алт олборлоод яав вэ Нэг 2 хүн ашиглаад өнгөрнө гэсэн үг Монголбанкинд зараад маргааш нь Монголын жаахан долларыг хураажаваад гадагш гаргаж байна Мафи маягийн байж магад Адилхан бараа

Avatar

zochin 2017-08-07 103.26.194.211

mash zuw

NewsMN Гар утасны хувилбар Татах
NEWS.mn

Мэдээллийн эх сурвалж