МАН-ын их хурлыг яаралтай зарлахыг тус намын ‘Ээлжит бус онц их хурлын төлөө’ хөдөлгөөнөөс өнөөдөр /2017.08.07/ сэтгүүлчдэд мэдээлэл хийлээ.

2016 оны УИХ-ын сонгуульд 65 суудал авч, итгэл хүлээж байсан нам жилийн дараа болсон Ерөнхийлөгчийн сонгуульд ялагдал хүлээсэн нь Засгийн газрыг байгуулахдаа мэргэжлийн бус хүмүүсийг томилсон.

Засгийн газар нь цөөн хүний эрх ашгийг хамгаалдаг, эргэж буцсан шийдвэр гаргаж байсан зэрэг нь Ерөнхийлөгчийн сонгуульд ялагдал хүлээх үндсэн шалтгаан болсон” гэлээ.
Мөн 60 тэрбумын тухай бичлэг оргүй зүйлээс бий болоогүй гэсэн юм.

МАН-ын дарга М.Энхболд ирэх есдүгээр сард МАН-ын Бага хурлыг товлосон тухай цахим хуудсаараа дамжуулан мэдэгдсэн. Энэ бол албан ёсны шийдвэр биш. Ийм учраас дотоодод үүсээд маргаантай асуудлыг шийдэхийн тулд цаг алдалгүй энэ сарын 25-ний дотор Бага хурлыг хийж, Их хурлыг зарлахыг шаардаж байна гэлээ.

Хэвлэлийн хурлыг тэд “Монгол ньюс” мэдээллийн төвд хийлээ.

Г.ХОРОЛ