Наймдугаар сар гарсаар цагаан эрвээхэй олноороо гарч ирэх болж, идэвхижил нь ихэссэн байна. Мэргэжилтнүүдийн тайлбараар хуурайшилт ихтэй жил цагаан эрвээхэй ихэсдэг аж. Наймдугаар сарын 10-н хүртэл идэвхижил нь буурахгүй юм байна.

Ойн санд их хэмжээгээр аюул учруулдаг энэхүү хортон шавьжийг устгахад зориулж, Байгаль орчин, аялал жуулчлалын яам есөн тэрбум төгрөг зарцуулахаар болжээ.

Судалгаагаар энэ онд манай орны 16 аймгийн 80 сумын ойн сангийн 680.000 га талбайд хөнөөлт шавьж тархаж, 69 сумын 590.000 га талбайд Сибирийн хүр, өрөөсгөл хүр, Якобсоны төөлүүрч, эгэл бийрэн сүүлт, бургасны хүр эрвээхэй зэрэг хөнөөлт шавьжийн голомт үүсээд байгааг тогтоожээ.

Иймээс дээрх хэмжээний хөрөнгө гаргаж, устгал хийх юм байна.

Г.ХОРОЛ