Цагдаагийн байгууллагад өнгөрөгч мягмар гаригт /2017.08.01/ иргэд, байгууллагаас нийт 1730 мэдээлэл иржээ. Үүнээс гэмт хэргийн 85, зөрчлийн 1333, согтуугийн 294, зам тээврийн ослын 312 мэдээлэл бүртгэгдсэн байна. Гэмт хэргийн шинжтэй 51 үйлдэл бүртгэгдсэн бөгөөд хэргийг шалгаж байна гэв. Зарим иргэд жимсэнд яваад осолдох, мөн амиа алдах тохиолдол гарчээ. Тодруулбал, Орхон аймгийн Баян-Өндөр сумын харьяат эрэгтэй 65 настай Ч өнгөрсөн сарын 30-д жимсэнд явж байгаад төөрч, нэг өдрийн дараа нас барсан байдалтай олджээ. Хэргийг шалгаж байгаа гэнэ.

Ч.БОЛ