Асуудалтай газарт ажиллая, дарга нараа? | News.MN

Асуудалтай газарт ажиллая, дарга нараа?

Хуучирсан мэдээ: 2017.08.03-нд нийтлэгдсэн

Асуудалтай газарт ажиллая, дарга нараа?

Асуудалтай газарт ажиллая, дарга нараа?

Албан тасалгааны цонхоор нийгмийн амьдралыг тольдож суудаг дарга нарын тоо цөөрсөн нь сайн хэрэг ч хөрсөн дээрээ бууж ажиллатлаа бас л өдий бололтой.

Хотын дарга уржигдар нийслэлийн хэмжээнд баригдаж буй авто замуудын ажил байдалтай танилцлаа. Очсон газарт нь зам өргөтгөх, шинэчлэх ажил урагштай л байна. Наймдугаар сарын 10-н гэхэд хэд, хэдэн замын өргөтгөлийн ажил дуусаж, тээврийн хэрэгсэл чөлөөтэй зорчих боломж бүрдэх аж. Хичээлийн шинэ жил эхлэхээс урьтаад замын ажил дуусчихвал авто машины түгжрэлийг бага ч болов бууруулах учраас нийслэлчүүдийн хувьд энэ бол баяртай мэдээ.

Гэвч өнгөрсөн жилээс эхлээд асуудал дагуулсан зарим нэг замын ажлын проблем шийдэгдэх эсэх тодорхойгүй үлдлээ. Учир нь хотын дарга газраа чөлөөлдөггүй, татдаггүй асуудалтай байгаа авто замуудад ажилласангүй. Гэхдээ ажил хариуцдаг дарга нар нь асуудалтай газарт ажиллуулж, нервийг нь барахыг хүссэнгүй юу, өөрсдөө донгодуулахаас эмээсэн үү тойроод л өнгөрлөө.

Хоржоонтой нь агентлагийн дарга нар “Онц” гэх үнэлгээг аваад үлдлээ. Нэг бодлын социализмын үеийн дарга нарын түүхийг ч эргүүлээд сануулах шиг.

“Ховор хүмүүс” нэртэй дэлгэцийн нэгэн сайхан бүтээл бий. Аймгийн төлөөлөгч ажил шалгахаар сумдаар ажиллах болоход Нэгдлээс уулын толгой дээр дурантай нэг хүн зогсоодог. Төлөөлөгчийн машин уулын хормой ороогоод сумыг чиглэхэд дурантай залуу нэгдлийнхэндээ дохио өгдөг. “Шинэхэн халатаа өмсөөрэй, ширээний бүтээлгээ дэвсээрэй” гээд л хашгирдаг даа. Кинон дээр гардаг шиг ийм үйл явдал хараахан болоогүй ч ер нь бол дөхөх талруугаа.

Зарим нэг жишээ татъя, Ерөнхийлөгчийн сонгуулийн өмнөхөн Гэмтэл согог судлалын үндэсний төвийн гадаах талбайг тохижуулж дуусгасан. Нийслэлийн олон ч дарга энэхүү бүтээн байгуулалттай очиж танилцан, тууз хайчилсан. Энд хотын дарга очиж, орчин цагийн бүтээн байгуулалтын сайхныг бишрэв. Шарилж ургаж, харшил хөдөлгөдөг байсан газар ногоон зүлэг болон хувирч, үйлчлүүлэгчид нь гадаа нарлаад суух тохитой орчин бүрдүүлжээ. Гэхдээ энэ шинэ мэдээ биш сарын өмнөөс л хангалттай “PR”-дсан.

Хотын даргын уржигдар очиж ажил шалгадаг авто замуудад ч мөн арваадхан хоногийн өмнө нийслэлийн Авто замын газрын дарга нийслэлийн Газрын албаны даргатай хамтарч ажиллаад буцсан.

Зарим нэг авто замуудад газар чөлөөлөлт цаг хугацаа алдаж буйгаас ажил хийх боломжгүй байсныг агентлагийн дарга нар газрын эзэдтэй уулзаж, шийдсэн тухай яриад өнгөрсөн ч амьдрал дээрээ асуудалтай хэвээр л байгаа.

Уг нь асуудлыг шийдье, өвлөөс урьтаж ажлаа дуусгая гэвэл хойш чангааж байгаа ажлыг л эхэлж барьж авмаар санагдах юм. Тойрч явсаар байтал нам, арын хаалга хоёроор бамбай хийсэн зарим нэг нь авто замын ажлыг гацааж, оршин суугчдаа ч хохироож байна.

Одоо хаа, хаанаа хөрсөн дээрээ бууж ажиллая. Ерөнхийлөгчийн сонгууль дууссан. УИХ, нийслэлийн иргэдийн Төлөөлөгчдийн хурлын сонгууль болоход гурван жил дутуу байна.

Амьдрал нэг их гоё байгаа юм шиг, асуудалгүйгээр нийслэлийн ажил явж байгаа юм шигээр PR хийж байгаагаа зогсоо. Хөрсөн дээрээ бууж ажиллахгүй бол хөхөө өвлийн хүйтэн айсуй.

Нэг л мэдэхэд хяруу унаж, маргааш нь цас дарж, авто зам барих аргагүй болно.

Энэ үед асуудалтай зам дээрээ очоод “Одоо наад ажлаа дуусга” гэж тушаах боломжгүй. Цаг алдах тусам авто замын өртөг өндөр болж, гүйцэтгэгчдээ ч, захиалагчдаа ч хүндрүүлж байна. Хавь орчных нь иргэдийн эрүүл аюулгүй орчинд амьдрах баталгаа ч алдагдаж байна.

Авто замын төлбөрөөс эхлээд олон татварыг жолооч нар жил бүр төлдөг. Төлснийхөө хэрээр энхэл донхолгүй замаар зорчих боломж бүрдсэнгүй.

Татвар авах болохоороо цаг хугацаагаар хавчаад хураадаг шигээ авто зам барихад саад учруулж байгаа газрууддаа хууль, журмаа мөрдүүлсэн шиг хугацаанд нь мөрдүүлээд төртэй, хуультай улс гэдгийг мэдрүүлээд ажиллах цаг болсон байна. Хэдий болтол хэсэг нөхөд нь газраа чөлөөлөхгүй, татахгүй гэдэг гомдол тавьж, нийтийн эрх ашгийг уландаа гишгэж амьдрах гэсэн юм бэ.

Г.ХОРОЛ

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

17 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2017-08-03 103.9.90.130

Нийтлэл бичиж байгаа танай мэдээллийн сайт бодит байдалтай уялдуулж мэдээгээ цацаачээ Газараа чөлөөлүүлж байгаа иргэд аж ахуй нэгжтэй уулзаач ямар хүндрэлтэй учирдаг ямар хугацаа зарцуулж байгаа эсэхийг тодруулж байж нийтлээч гэж хүсэж байна

Avatar

Зочин 2017-08-03 188.213.171.174

Хот эзэнгүй [Хориотой Үг] шиг ТҮЦ хөглөрч энэ тэндгүй газар хатгаж сургуулиудын хашаанд зөвшөөрөлгүй барилга баригдаж байсан цаг саяхан ТҮЦнүүдийг цэгцэлж #ЗАМЧӨЛӨӨЛ аяныг эхлүүлж зөвшөөрөлгүй барилгыг буулгаж ЗАМЧӨЛӨӨЛ гэж шаардлага тавьсан хүн бол энэ хотын дарга бусад шиг зурагтаар гарч өөрийгөө ПИАРдах дургүй хүн ингэж муулуулхаас өөр яахав яая гэхэв дээ

Avatar

зочин 2017-08-03 66.181.160.97

Муу болхоор нь л муулж байгаа шүү Саяын сонгууль харуулаа биздээ

Avatar

Зочин 2017-08-03 139.59.47.209

Хөөрхий хотын дарга асуудалтай газар л очиж асуудлыг шийдэж дандаа баалуулах юм даа ЧАОВАСС Бат-Үүл шиг хүүдээ тэндэр өгч хогны ногоон уут тарааж олон айл орох оронгүй болговол ажил хийсэн юм шиг харагдах байхаа батболдоо

Avatar

Зочин 2017-08-03 27.123.212.130

Одоо удахгүй өвөл боллоо Дахиад л бөөн утаа Утааны талаар нааштай юм байна уу Энэ сүүлийн 5 жил хөдөөнөөс ирсэн ирж байгаа хүмүүсийг бага хангай багануур руу газар өгч шийдэж болдоггүй юмуу Хотод дахиад 1 ч зөвшөөрөлгүй хашаа хатгуул Төр төмөр нүүрээ үзүүлж шууд зөвшөөрөлгүй бол нураах хэрэгтэй Харин энэ байгаа хашаа гэрүүдээ хурдхан орон сууцжуулаачээ Хүүхдүүд минь өвөлдөө ханиад хүрээд антибиотик уухгүй эдгэхгүй байна Эртний ромд эрх чөлөөнд хэмжээ хязгаар үгүй бол түүнд үнэ цэнэ үгүй гэдэг Тэр шинээр бууж утааг нэмж байгаа хүмүүсээс болж нийт нийслэл н хүүхдүүд хохирч болохгүй шүү дэ Эцэст нь зуны сар 6 биш утааны улирал ирж байна

Avatar

Зочин 2017-08-03 139.59.156.98

Энэ сайт хэтэрхий 1 талыг барьж бичээд байх шиг Юу чхийхгүй бвал тэр хүн нэр цэьэр байдаг нь хэвлэл мэдээллийн салбарынхны анхааралд өртөхгүйхэн шиг чимээгүй байж байгаад ажлаа өгдөг дөө Харин хот бол түгжрэлээсээ салахын тулд эхлээд замуудаа засах ёстой энэ ч хүрээндээ хийгдэж байгаа ажлуудыг шүүмжилж суух нь илүүц бололвуу даа Эсвэл нүүр тулаад наад асуултуудаа асуувал үнэнд арай дөхөх байхдаа NEWS MN-Ээ

Avatar

Зочин 2017-08-03 139.59.156.98

Шөнийн гудамжыг шүүмжилээл байсан одоо харалдаа хүн болгон очдог гоё газар болсон л байна Асуудалгүй газар хаана байна энэ сайтынхан олоод биччихэээрэй харъя та нарыг

Avatar

Зочин 2017-08-03 139.59.156.98

Олон олон зам уулзварууд шинэчлэгдэж нээж байна Хот 1 үеээ бодвол нүдэнх харагдахуйц хөгжиж байна Шинэ замууд засагдаад эхлэсэн 8 сард багтааж ашиглалтанд орхоор төлөвлөгдөж байгаа гэсэн Ер нь юу ч хийгээгүй хүн өөгүй байдаг юм батболдоо хийгээд шүүмжлүүлээд байж дээ амжилт хүсье

Avatar

Зочин 2017-08-03 158.69.94.44

Хотод ганц ажил хийж байгаа нь хотын дарга УИХ засгийн газрын гишүүд юу хийж байна Амаараа худлаа бүлт бүлт том юм ярьж хуулийн өөрчлөлт гэж байхаар хотын дарга шиг нүдэнд харагдахааар ганц ч болтугай ажил хиймээр байна даа эрхэм гишүүдээ

Avatar

Зочин 2017-08-03 103.229.121.49

Асуудалгүй болсон 10 р хорооллын замаа дахийд сарын дотор нураагаад таксины зогсоол болгож байна Ямар хөрөнгөөр ингэж тоглоод байна Су Батболд даргаа

Avatar

Зочин 2017-08-03 202.21.106.131

Үүлийн баг шиг ажиллаж чадахгүй байна ноднин тарьсан ногоон байгууламж их сайхан ургасан энэ жил тарьсан Нийтийн эзэмшлийн ногоон байгууламжийн ногоон моднууд нь шарлаад хугараад дууслаа сөөг нь ургахгүй хатсан бургас шиг болжээ зарцуулсан мөнгийг хотын ерөнхий менежер Гантөмөрөөр төлүүлэх хэрэгтэй нэг их сүртэй ТВ-ээр гараад байсан

Avatar

Зочин 2017-08-03 66.181.189.24

Аз жаргалтай гэж даапаалдаг нь арай гаагүү болсон уу хэ хэ

Avatar

Magnai 2017-08-03 202.179.25.125

Sandui baikhgui bol UB khot goe bolno Sanduigiin oruulsan gazriin darga nomin talstiig bad ATГ Ugie

Avatar

Зочин 2017-08-03 66.181.160.97

Угаасаа л сэтгэл байхгүй шдээ Су Батболд чинь Ми Энхболдын газрын асуудлыг л зохицуулах гэж хотын дарга болсон шдэ Сайд болохыг мөрөөдөж байсан гээд л ярилцлага өгсөн байсан даа Энд тэндхийн Энхболдын тавиулуудыг хурдан л зайлуулах хэрэгтэй

Avatar

Дамбадорж 2017-08-03 66.181.185.111

Аятайхан тохижуулаа юу даа гэтэл бас л бишээ Ямар дарга нар дор нь суух биш дээ Наранд сүүдэрэвч болохгүй бороонд халх болохгүй хэдэн банз зөрүүлээд хадчисаныг дарга нарын маань нүд хардаггүй юм уу Нүд хуурхаа гэж Хэдэн саяар л үнэтэй юмнууд байгаа даа 10-р хлл

Avatar

зоо 2017-08-03 43.228.130.71

Энэ сэтгүүлч яг л голоор нь бичлээ баяр хүргэе 2016 онд эхэлсэн толгойт чиглэлийн зам хамгийн асуудалтай хамгийн их ард түмнийг бухимдуулж байгаа зам Хятадын зээлээр хэрэгжих Баянзүрх Сонсголонгийн гүүрүүдийн ажил эхлэх яалаа Бүт болдоо Гараа эсгэх шахаад л тууз хайчилсан шүү дээ

Avatar

Irgen 2017-08-03 112.72.11.114

Tolgoitiin zam yamar yavj bgaag chi uuruu ochij harsan yum uu cham shig zuvhun uuriiguu bodson hugiin heden malnuudaas bolj ter zam chin heseg gazar gatsaad bna

NewsMN Гар утасны хувилбар Татах
NEWS.mn

Мэдээллийн эх сурвалж