Вируст гепатит болон элэгний өвчлөлийг бууруулах үндэсний хөтөлбөрийн хүрээнд “Хаппи Веритас” эмчилгээ оношилгооны төв 3 төрлийн эмчилгээ, шинжилгээ, оношилгоог үнэ төлбөргүй хийх болжээ. Энэ талаар өнөөдөр сэтгүүлчдэд мэдээлэл хийлээ.

Үнэ төлбөргүй хийх шинжилгээ, эмчилгээнд элэгний С вирус тоолох шинжилгээ, элэгний В вирусын эмчилгээг эхний нэг сар үнэгүй хийх, элэгний С вирусын эмчилгээ нэг сар үнэгүй хийх зэрэг багтаж байна.

Эмчилгээнд орох хүмүүсийг наймдугаар сарын 1-15 хооронд бүртгэх аж. Иймээс дээр заасан хугацаанд ирж бүртгүүлсэн хүн болгоны Элэгний В,С вирусын эмчилгээг эхний нэг сар үнэгүй хийх юм байна. Иргэдэд эрүүл мэндийн даатгалын дэвтэртэй байхыг санууллаа.

Г.ХОРОЛ