Америкийн Лос-Анжелес 2028 оны зуны олимпийн тоглолтын эзэн болно гэсэн мэдээг долдугаар сарын 31-ний өдөр Los Angeles Times сонин мэдээлжээ.

Хотын удирдлага Олон улсын олимпийн хороотой (ОУОХ) энэ талаар тохиролцоонд хүрсэн ба даваа гаригийн орой энэ тухай зарлахаар болсон гэж сонин мэдээллээ.

Долдугаар сарын 11-нд олимпийн 2024 ба 2028 онуудын тоглолтыг явуулах эрхийг Парис, Лос-Анжелес хотуудад өгнө гэсэн шийдвэрийг Лозанна хот дахь ОУОХ гаргасан тухай мэдээлсэн юм.

Лос-Анжелес олимпийн зуны наадмыг хоёр удаа буюу 1932, 1984 онуудад зохион байгуулж байлаа. Ойрын зуны олипийн наадам 2020 онд Токио хотноо болно. Өмнөх Олимпийн наадам 2016 онд Рио-де-Жанейро хотноо болсон юм.

Бэлтгэсэн Ш.МЯГМАР