БНХАУ-ын Фужиан мужийн төлөөлөгчдийг хүлээн авч уулзав | News.MN

БНХАУ-ын Фужиан мужийн төлөөлөгчдийг хүлээн авч уулзав

Хуучирсан мэдээ: 2017.08.01-нд нийтлэгдсэн

БНХАУ-ын Фужиан мужийн төлөөлөгчдийг хүлээн авч уулзав

БНХАУ-ын Фужиан мужийн төлөөлөгчдийг хүлээн авч уулзав

УИХ-ын гишүүн, Монгол-Хятадын парламентын бүлгийн гишүүн Н.Оюундарь өчигдөр (2017.07.31) БНХАУ-ын Фужиан мужийн Худалдаа, аж үйлдвэрийн танхимын дарга Вэн Дун Сиан, дэд дарга Мэон Жэн Тан болон Монгол Улс дахь БНХАУ-ын Фужиан мужийн Худалдаа, аж үйлдвэрийн танхимын дарга Лэн Дун Шэн нарыг хүлээн авч уулзав.

Уулзалтын эхэнд УИХ-ын гишүүн Н.Оюундарь хэлэхдээ, Монгол Улс БНХАУ-тай стратегийн иж бүрэн түншлэлийн харилцаатай байдаг. Түүнчлэн өндөр дээд хэмжээний уулзалтуудыг харилцан амжилттай зохион байгуулж ирсэн. БНХАУ-ын мужууд хил залгаа Монгол Улсын аймгуудтай эдийн засаг, худалдаа хамтын ажиллагааг хөгжүүлж байгаад талархалтай байна гээд энэхүү харилцаагаа улам өргөжүүлэх хэрэгтэй гэдгийг илэрхийлэв.

Мөн тэрбээр, УИХ дахь Монгол-Хятадын парламентын бүлэг болон Жижиг, дунд үйлдвэрлэлийн хөгжлийн дэд хорооны үйл ажиллагааны талаар танилцуулсан юм.

БНХАУ-ын Фужиан мужийн Худалдаа, аж үйлдвэрийн танхимын дарга Вэн Дун Сиан, цаг зав гарган хүлээн авч уулзаж буйд УИХ-ын гишүүн Н.Оюундарьд талархал илэрхийлээд, Монгол Улсад Фужиан мужаас хөрөнгө оруулах сайхан боломж тохиож буйд таатай байна. Бид Монголын Худалдаа, аж үйлдвэрийн танхимын урилгаар ирсэн бөгөөд эхний ээлжинд барилга, орон сууц, барилгын материалын чиглэлээр хөрөнгө оруулалт хийх боломжтой. Цаашид хоёр орны худалдаа, хамтын ажиллагааг өргөжүүлэх чиглэлээр Монгол Улсын Их Хурал дэмжиж ажиллана гэдэгт найдаж байна гэв.

УИХ-ын гишүүн Н.Оюундарь, хоёр орны харилцаа хамтын ажиллагааг бүх талаар дэмжин ажиллахаа мэдэгдээд, ажлын амжилт хүсэв гэж УИХ-ын Хэвлэл мэдээлэл, олон нийттэй харилцах хэлтэс мэдээлэв.

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Соёл 2017-08-01 202.9.43.159

Хувцас нь амралтын

Avatar

зочин 2017-08-01 202.70.44.146

[Хориотой Үг] дахь мафийн өлгий нутаг даа

NewsMN Гар утасны хувилбар Татах
NEWS.mn

Мэдээллийн эх сурвалж