“Дулааны цахилгаан станц-4” ТӨХК-ийн энэ оны төлөвлөгөөт “0” зогсолт буюу их засварын ажил 7-р сарын 27-ны өдрийн 22 цагаас эхлэхээр болсон байна. Үүний хүрээнд энэ сарын 27-оос 31-ний өдрүүдэд цахилгаан эрчим хүчний хангамжид дутагдал үүсэх тул хэрэглэгчдийн цахилгааныг хязгаарлахаар болсон гэдгийг ЭБЦТС ТӨХК-иас мэдээллээ. Одоогоор хязгаарлалтын хамрах хүрээ, хугацаа тодорхойгүй байгаа гэнэ. Иймд иргэд цахилгаан эрчим хүчний хэрэглээгээ зохицуулахыг мэргэжлийн байгууллагаас зөвлөсөн байна. 

Түүнээс гадна “Их хаадын цуваа” ХХК –ийн хэрэгжүүлж буй “Евро эко төгөл” төслийн хүрээнд дулааны станцын ил шугамыг далд болгон өөрчлөх ажлыг энэ сарын 31-ээс ирэх сарын 20 хүртэл гүйцэтгэхээр болжээ. Тиймээс дээр дурдсан хугацаанд Ахмадын сувилал, Ахмадын ордон, ХХҮХ-ийн байрны хэрэглээний халуун усыг хязгаарлахаар болсон талаарх мэдээллийг Хотын захирагчийн албанаас танилцууллаа. Мөн “Гок гарден” хотхоны орон сууцны байруудын хэрэглээний халуун усыг энэ сарын 31-ээс ирэх сарын 10 хүртэл хязгаарлах гэнэ. 

Эх сурвалж: Erdenet.mn