Испанид томоохон хөгжмийн наадмын үеэр тайз шатаж, олон мянган хүнийг сандралд оруулжээ. Барселон хотын захад зохиогдсон хөгжмийн наадамд 20 мянга гаруй залуус цугласан байв. “Tomorrowland Unite” нэртэй электрон хөгжмийн наадмын үеэр тайз шатсанаас том хэмжээний гал гарчээ. Гал гарах үед үзэгчдийг яаралтай нүүлгэн шилжүүлсний ачаар хүн гэмтэж бэртээгүй өнгөрсөн байна. Галын шалтгаан техникийн саатлаас болсон хэмээн албаныхан мэдээлжээ. Хөгжмийн наадамд Испанийн алдартай Дижи нар өөрсдийн хөгжмөө сонсгохоор төлөвлөсөн байсан аж.

Б.ТУЯА

Эх сурвалж: ВВС