Хөвсгөл аймгийн хэмжээнд 10 гаруй сум ойгоос их хэмжээгээр түлш бэлтгэж хүйтний улирлыг давдаг байсан. Энэ жилээс зарим сумд дулаанаа нүүрсээр хангах боломжтой болж буй ажээ. Тухайлбал, Жаргалант суманд дулааны шугам тавьж эхэлсэн байна. Энэ ажлыг “Арвайн элч” компани өөрийн хөрөнгөөр гүйцэтгэж байна.

Дулааны эх үүсвэр ашиглалтад орсноор хэрэглэгч нараасаа сар бүр хураамж авч, гаргасан зардлаа нөхөн авах гэнэ.

“Арвайн элч” компани нь өнгөрсөн жилүүдэд Өвөрхангай зэрэг аймгуудын сумдыг дулаантай болгосон туршлагатай юм байна.

Онцлоход, Хөвсгөл аймгийн хэмжээнд 11 сум халаалтаа шийдэж чадаагүйгээс жил бүр 4000 машин нойтон мод түлшиндээ хэрэглэж, байгаль орчин сүйтгэдэг гэх асуудал хөндөгддөг. Тиймээс халаалтыг шийдсэнээр ойн нөөцөө хамгаалах боломж бүрдэх юм.

Г.ХОРОЛ