“Apple” компанийн iPhone 8 ухаалаг утасны сүүлийн загвартай холбоотой мэдээлэл интернетэд тавигдлаа.

Мэргэжилтнүүдийн хэлж байгаагаар энэ хувилбарт уламжлалт Home товч байхгүй учир TouchID бас байхгүй болж байгаа аж. Энэ функцийг нүүр таних систем орлох гэнэ. “Apple”-ийн шинэ утас “Samsung”-ын сүүлийн үеийн загварын адилаар хүрээгүй болно.

iPhone 8 нь гурван төрлийн хэмжээтэй. Диагональ нь 4,7 инч, 5,5 инч, 5,8 инч байх юм. Өнгөний хувьд цагаан, саарал, алтан, сарнайн ягаан, улаан байх ба мөн “хар оникс” ба “толин” байх гэнэ.

Судлаачдын мэдээгээр ирэх есдүгээр сард iPhone 8-ийн туршилтын анхны хувилбар гарах бөгөөд 11-р сард бүрэн хэмжээгээр үйлдвэрлэж эхэлнэ гэв.

АНУ-д шинэ айфон 1100 ам.доллараар зарагдах юм. 

Р.Ёндонжамц