Мэргэжлийн сүмогийн долдугаар сарын тэмцээн өнөөдөр өндөрлөнө. Нагоя хотоо болж буй башёгийн 15 дахь өдөр их аварга Хакүхо, Харүмафүжи нар оноолт таарчээ.  Мөн озэки Гоэйдо Такаясүтэй, сэкивакэ Тамаваши Б.Мөнх-Оргил Точиозантай барилдана. Гоэйдо, Тамаваши нар 7 даваатай байгаа бөгөөд өрсөлдөгч бөхөө ялж байж 50 хувийн амжилтаа үзүүлэх юм.

Нагоя башёг их аварга Хакүхо 13 даваатай тэргүүлж байгаа бол Болгарын бөх Аояама 12 даваатай удаалж байна. Өнөөдөр Аояама Ёошиказэг давж, Хакүхо Харүмафүжид унасан тохиолдолд хоёр бөх нэмэлт барилдаан хийх юм.

Ийнхүү их аварга Хакүхо рекорд амжилт тогтоож буй Нагоя башё өндөрлөх тун дөхлөө. Өчигдрийн барилдааны фото агшнаас хүргэж байна.

Хакүхо озэки Гоэйдогоор 13 дахь даваагаа авлаа. 2017.07.22

Харүмафүжи озэки Такаясүгээр 11 дэх даваагаа авлаа. 2017.07.22

Харүмафүжи Хакүхотой өнөөдөр барилдана.

Болгарын бөх Аояама 12 даваатайгаар Хакүхогийн араас ганцаараа нэхэж байна. 

Ч.БОЛОР