АНУ-н ерөнхийлөгч Дональд Трампын баг Оросын асуудлаарх тусгай прокурор Роберт Мюллерийн үйл ажиллагаанд мөрдөн байцаалт явуулна гэж The New York Times мэдээлэв.

Трампын хуулийн зөвлөхүүд болон туслахууд Мюллерийн АНУ-ын Ардчилсан намаас дэмжлэг авсан эсэхийг тогтоох бөгөөд мөн Холбооны мөрдөх товчооны өмнөх тэргүүн Жеймс Комитой холбоотой эсэхийг шалгана гэжээ.

Энэ үеэр Трампын удирдлагын гишүүд ерөнхийлөгчийн эсрэг мөрдлөг судалгаа явуулдаг хүмүүсийн хооронд ашиг сонирхлын зөрчил гарч мэдэх талаар хэлэлцлээ.

Бэлтгэсэн Р.ЕНДОНЖАМЦ