Дорнод аймгийн Халхгол сумын удирдлагууд Ялалт багийн Буйрын цехийн малчид, иргэдтэй уулзаж цаг үеийн холбогдолтой мэдээ мэдээлэл хүргэж, төрийн үйлчилгээг хэрхэн хүргэж буй болон орон нутагтаа тулгамдаж буй асуудлаар нээлттэй ярилцлага зохион байгуулжээ.

Мөн Буйр нуурын загасчдад мөсөн дээр машин мотоцикл зэргээр техникийн хөдөлгөөнд оролцохдоо анхаарах зүйлийн талаар зөвөлгөө өгч, Байгал орчныг хамгаалах тухай, Ан агнуурын тухай, Амьтаны аймгийн тухай хуулиудыг албаны хүмүүс сурталчлан таниулсан байна.

Тус нутаг дэвсгэрт үйлдвэрлэлийн зориулалтаар загас ангуур эрхэлж буй Хөх мандал нуур, Азийн бүргэд, Найман орд ХХК-иудын ажилчдад зөвөлгөө өгч гарын үсэг зуруулан хөдөлмөр хамгааллын аюулгүй ажиллагааг баримтлаж ажиллахыг анхааруулжээ.