Японы мэргэжлийн сүмогийн долдугаар сарын тэмцээний 12 өдрийн барилдаан энэ цагт болж байна. Нагоя хотод болж буй зуны башёгийн дээд зиндаанд их аварга Хакүхо 10 даваатайгаар тэргүүлж байгаа бол түүний араас Болгарын бөх Аояама нэхэж буй. Тэрбээр өнөөдрийн барилдаанд Такарафүжиг давснаар 10 дахь даваагаа авлаа. Аояама ээлжит даваагаа авснаар тэргүүлэгчийн байраа алдсангүй. Одоо түүний хувьд Хакүхогийн барилдааныг харах үлдлээ. Хакүхо өнөөдөр Тамаваши Б.Мөнх-Оргилтой оноолт таарсан бөгөөд түүнийг давбал Кайогийн эзэмшиж буй 1047 даваатай зэрэгцэж ирэх юм.

Энэ цагт дээд зиндааны сүүлийн хэсгийн барилдаан эхэллээ.

Ч.БОЛ