Зуун буудалт даамын Дэлхийн цомын тэмцээн долдугаар сарын 21-28-ны өдрүүдэд Улаанбаатар хотод болох гэж байна. Маргааш эхлэх тэмцээнд ОХУ-ын их мастерууд болох дэлхийн 10 удаагийн аварга А.Чижов, дэлхийн есөн удаагийн аварга А.Георгиев нар болон Латвийн тамирчин, олон улсын их мастер,дэлхийн аварга Г.Валнерис нарын зэрэг дэлхийн шилдгүүд өрсөлдөнө.

Гадаадаас нийт 10 олон улсын их мастер оролцох бол манай улсын шилдгүүд болох Гавьяат тамирчин, олон улсын их мастер Д.Эрдэнэбилэг тэргүүтэй Г.Ганжаргал, Р.Манлай нарын их мастерууд оролцох юм.

Дэлхийн цомын тэмцээнд оролцохоор ОХУ, Украйн, Беларусь, БНХАУ, Их Британи, Латви, Турк, Монгол зэрэг найман улсын тамирчид мэдүүлгээ ирүүлсэн байгаа. 

Тэмцээний үеэр Монголын даамын холбооноос “Холбооны цом” тэмцээн, дэлхийн шилдгүүдтэй зэрэг тоглолт, уулзалт ярилцлага хийх ба тэмцээний явцыг шууд дамжуулахаар төлөвлөжээ.

Тэмцээний вэбсайт: www.mondaam.mn/2017/worldcup

Б.ЭНХ