Энэ сарын 11-16-ны хооронд Япон улсын Осака хотод болсон “ОУ-ын эмэгтэйчүүдийн дасгалжуулагчийн сургалт”-д МХБХ-ны А.Жаргалмаа оролцлоо. Одоогоор МХБХ-ны албыг хашиж буй А.Жаргалмаа нь Монгол улсын охидын шигшээ багийн дасгалжуулагч болох зорилготой. Тиймдээ ч АХБХ-ны футзалын 1, 2-р түвшин, ОУХБХ-ны Эмэгтэйчүүдийн хөлбөмбөгийн дасгалжуулагчийн сургалтад амжилттай оролцсон туршлагатай. Сургалтад 19 улсын 25 дасгалжуулагч хамрагдан, Эмэгтэйчүүдийн хөлбөмбөггийн ДАШТ-нд түрүүлээд амжсан Япон улсын туршлагаас хуваалцлаа. Энэ нь А.Жаргалмаа төдийгүй нийт оролцогч нарт маш их мэдлэг солилцох боломж байсан гэв. Мөн сургалтад хамрагдсан дасгалжуулагч нарт 2000-2005 оны үед тив дэлхийн томоохон тэмцээнүүдэд тоглогчийн хувиар оролцож явсан бүсгүйчүүд байсан аж.

Эх сурвалж: МХБХ