Nokia брэндийн нэрээр бүтээгдэхүүн үйлдвэрлэх эрхийг эзэмшиж буй Финляндын HMD Global группийн NOKIA 8 нэртэй смартфон удахгүй худалдаанд гарах талаар технологийн мэдээллийн сайтууд мэдээлж эхэллээ.

Үйлдвэрлэлийн шатанд байгаа бүтээгдэхүүний нууцыг задруулдгаараа алдартай Blass анхны зургийг нь нийтэлсэн байна.

NOKIA 8 смартфон долдугаар сарын 31-нд худалдаанд гарах тухай мэдээлэл ч мөн цацагджээ. Үнийн хувьд 600 евро орчим байх аж.

Техник үзүүлэлтүүдийг танилцуулбал:

• 5.3 инчи, 2560*1400 нягтшил бүхий дэлгэц
• Qualcomm Snapdragon 835 чип (Qualcomm-ын хамгийн хүчтэй загвар)
• 4GB эсвэл 6GB RAM
• Арын хэсэгт хос камертай. Хоёул 13 мегапиксел
• Android 7.1.1 Nougat үйлдлийн системтэй байх аж.

С.ЦЭЛМЭГ