Талбайн теннисний энэ оны гурав дахь “Их дуулга” болох Уимблдон Их Британы Лондон хотноо долдугаар сарын 2-16-ны өдрүүдэд болсон билээ. Тус тэмцээний мэдээллийг эргэн хүргэе.

Оросын эмэгтэй хос Екатерина Макарова, Елена Веснина хоёр Тайванийн Чань Хаочин Румын Моника Никулеску нарын хослолын шигшээ тоглотод 6:0, 6:0 харьцаатайгаар хожин Уимблдонд анхны ялалтаа авчээ.

Долдугаар сарын 15-ны өдөр эрэгтэй хосуудын гол тоглолтод
Польшийн Лукаш Кубот, Бразилийн Марсело Мело хоёр Австрийн Оливер Марах, Хорват Мате Павичийн хослолыг 5:7, 7:5, 7:6, 3:6, 13:11 харьцаатайгаар хожиж “Уимблдон”-ы цомыг хүртлээ.  

Эмэгтэйчүүдийн ганцаарчилсан төрлийн шигшээ тоглолтод Испанийн теннисчин Гарбинье Мугуруса Америкийн нэрт теннисчин Винус Уильямс нар шалгаран үлдээд байсан. Энэхүү тоглолтод испани бүсгүй өрсөлдөгчөө хоёр сетэд 7:5, 6:0 харьцаатайгаар хожсон юм.

23 настай Мугуруса анх удаа Уимблдонд түрүүллээ. Энэ нь түүний “Их дуулга”-ын  цуврал дахь хоёр дахь ялалт юм. Испани бүсгүй өнгөрсөн онд “Ролан Гаррос”-т түрүүлсэн.

37 настай Винус Уильямс карьертаа Уимблдонд зургаа дахь удаагаа ялах боломжтой байв. Үүний өмнө тэрбээр 2000, 2001, 2005, 2007, 2008 онуудад Лондонд ялалт байгуулж байсан түүхтэй. Гэхдээ түүний хувьд энэ жил хоёр дахь “Их дуулга”-ын финалд үлдэж байна. Винус энэ оны анхны “Их дуулга” болох Австралийн нээлттэй тэмцээний аваргын төлөөх тоглолтод дүү Серенад ялагдсан юм.

Өнгөрсөн ням гаригт эрэгтэйчүүдийн ганцаарчилсан төрлийн шигшээ тоглолт явагдлаа. Уг тоглолтод Швейцарийн теннисчин 35 настай Рожер Федерер Хорватын тамирчин 28 настай Марин Чиличийг 6:3, 6:1, 6:4 харьцаатайгаар хожсон юм. Энэ тэмцээний явцад Федерер өрсөлдөгч бүрээ эхний гурван сетэд хожиж ялалт байгуулж байсан нь бас нэгэн онцгой амжилт болоод байна.

Федерер ийнхүү Уимблдоны талбай дахь найм дахь ялалтаа авлаа. Тэрбээр 2003-2007, 2009 ба 2012 онуудад түрүүлж байсан юм. Харин “Уимблдон”-д Америкийн Пит Сампрас долоон удаа түрүүлжээ.

Федерер он гарсаар хоёр дахь “Их дуулга”-д түрүүлээд байна. Тэрбээр оны эхний “Их дуулга” болох Австралийн нээлттэй аваргын тэмцээнд шилдэг нь байсан юм. Одоо тэр “Их дуулга” цувралд 19 удаа түрүүлээд байна. Харин түүний араас Испанийн алдарт теннисчин Рафаэль Надаль 15 түрүүтэй удаалж буй.

“Уимблдон” 2017 онд Лондон хотноо долдугаар сарын 3-16-ны хооронд ядагдлаа. Тэмцээний шагналын сан нь 41 сая  ам.доллар байлаа.

Ш.МЯГМАР