Өндрөөрөө дэлхийд хоёрт эрэмбэлэгддэг Пакистаны К2 оргилд авирахаар зорьсон Гавьяат тамирчин Г.Өсөхбаяртай сансрын холбооны Иридиум утсаар холбогдлоо.

Уулчдын дийлэнх нь долдугаар сарын 15-наас үндсэн авиралтаа эхлүүлэхээр 7450 метрийн өндөрт гуравдугаар кэмпээ байгуулж, бэлэн болоод байсан ч хүчтэй цасны нуралт болсон тул хугацаа хойшилсон юм.

Гэвч өчигдрөөс /2017.07.17/ нөхцөл байдал бүр муудаж, зарим уулчдын гуравдугаар кэмпэд байгуулсан отог, майхан эвдэрсэн тул өнөөдөр авиралтын багийн гишүүд буцаж эхэлжээ.

Уулчин Г.Өсөхбаярын кэмп нурангид өртсөн эсэх нь хараахан тодорхой болоогүй байгаа ч тэрбээр буцахаас татгалзжээ. Наймдугаар сарын 1-нийг хүртэл үндсэн бааз дээрээ байрлан, цаг агаарын байдлыг харахаар шийдсэн байна.

Өнөөдрийн байдлаар К2 ууланд цаг агаар муу хэвээр байна.

Эрсдэл өндөртэй, хүнд хэцүү замтай К2-ын оргилд сүүлийн гурван жил нэг ч хүн очоогүй байгаа билээ.

Б.ЭНХ