Авлигатай тэмцэх газраас төрийн өндөр дээд албан тушаалтнуудын 2016 оны хөрөнгө, орлогын мэдүүлгийн жагсаалтыг гаргажээ. Энэхүү мэдүүлэгт тусгаснаар 1.86 тэрбум төгрөгийн хадгаламжаараа Б.Наранхүү гишүүн УИХ-ын гишүүдийг тэргүүлжээ. Харин бусад үзүүлэлтээрээ хамгийн хамгийн байсан гишүүдийг танилцуулж байна.

2016 оны хөрөнгө орлогын мэдүүлгийн хамгийн, хамгийн нь:

Хамгийн их орлоготой гишүүн:

• УИХ-ын гишүүн Ж.Энхбаяр – 4.96 тэрбум төгрөгийн орлого олж бусдыгаа тэргүүллээ.

Хамгийн их орлоготой

• УИХ-ын гишүүн Ж.Ганбаатар 1.68 тэрбум төгрөгийн гэр бүлийн  орлогоороо нэгдүгээрт жагсав. 

Хамгийн их үл хөдлөх хөрөнгөтэй

• А.Сүхбат гишүүн 9.29 тэрбум төгрөгийн үнэ бүхий орон сууц, барилга байгууламжтай нь энэ төрөлдөө хамгийн их хөрөнгөтэйгөөр нь нэрлэгдлээ.

Хамгийн өндөр үнэтэй газартай

• М.Билэгт гишүүн 4.21 тэрбум төгрөгийн үнэлгээтэй газартай нь энэ төрөлдөө хамгийн өндөр үнэлгээтэй нь болжээ.

Хамгийн их түүхийн үнэт зүйлтэй

• Үнэт эдлэл, урлаг түүхийн үнэт зүйлтэйгээрээ А.Сүхбат толгой цохиж байна. Тэрбээр  2.2 тэрбумын үнэ бүхий үнэт зүйлстэй гэж мэдүүлжээ.

Хамгийн их хадгаламжтай

• Хадгаламж, бэлэн мөнгө, дансны үлдэгдлээрээ Б.Наранхүү гишүүн 1.86 тэрбум төгрөгтэй хэмээн энэ төрлийн магнайд бичигдэж байна.

Хамгийн их зээлтэй

• М.Билэгт гишүүн 12.90 тэрбум төгрөгийн буюу хамгийн их авлагатай байгаа бол Д.Сумъяабазар гишүүн 1.23 тэрбум төгрөгийн зээлтэйгээрээ бусдыгаа хошуучлав.

Хамгийн олон тээврийн хэрэгсэлтэй

• Б.Наранхүү гишүүн 1.05 тэрбум төгрөгийн үнэ бүхий тээврийн хэрэгсэлтэйгээр бусдыгаа толгой цохилоо.

Хамгийн их малтай

• УИХ-ын дарга М.Энхболд мал аж ахуйгаараа гишүүдээ тэргүүлсэн байна. Тэрбээр энэ төрлийн хөрөнгөө 900 сая төгрөгөөр үнэлжээ.

Д.УУДАМ