Нийслэлийн Сонгинохайрхан дүүргийн 
XIX хорооны наймын В байрны урд талын бохирын худаг бөглөрч орчныг
бохирдуулан халдварт өвчин үүсгэх нөхцөл бүрдсэн байна гэж Нийслэлийн
Эрүүл мэндийн газраас мэдээллээ. Бөглөрлийг арилгасан бөгөөд үүссэн
бохирыг цэвэрлэж байгаа гэнэ. Тус байрны дэргэдэх  62 дугаар сургуулийн
арын хэсэг мөн спорт заалны  21,422 м2 талбайг бохирдуулсан юм байна.
Энэ талаар тус сургуулийн захирлаас тодруулахад “Сурагчид амарсан
болохоор хүүхдэд хүндрэлтэй гэх юм алга. Одоо холбогдох байгууллагатай
хамтран цэвэрлэгээ хийж байна” гэж хэллээ.