Нийслэлийн Замын сангийн хөрөнгөөр хэрэгжүүлж байгаа Налайх дүүргийн Даваажав, Дамдин, Найрамдлын гудамжны 1,3 км авто замын өргөтгөл, шинэчлэлийн ажил үргэлжилж байна. Одоогор Даваажав, Дамдины гудамжны зорчих хэсгийг 4 эгнээ болгон өргөтгөн шинэчилж, инженерийн шугам сүлжээ, гэрэлтүүлэг, ус зайлуулах шугамын ажлыг дуусгаж, явган хүний замын ажил дуусах шатандаа орсон аж. Найрамдлын гудамжны 380м замын зорчих хэсгийн ажил хийгдсэн. Борооны ус зайлуулах хоолой, явган замын ажил үргэлжилж байгаа бөгөөд тус замын траст байгаа 200м газрын газар чөлөөлөх ажлыг журмын дагуу хийж буй юм байна. Ажлын гүйцэтгэгчээр “Эко тогтол” ХХК ажиллаж байна, төлөвлөгөөгөөр ирэх аравдугаар сард хүлээлгэх өгөх юм. Замын нийт өртөг 2.8 тэрбум төгрөг аж.
Г.ХОРОЛ
