Тулгар төрийн 2226 жил, Их Монгол Улсын 811 жил, Ардын хувьсгалын 96 жилийн ойн их баяр наадмын Үндэсний сурын харвааны эрэгтэй, эмэгтэй шигшээ харваанд түрүүлсэн харваачид шагналаа гардлаа.

Сурын харвааны төрөлд эрэгтэй харваачдаас Монгол Улсын мэргэн Б.Ёндон  түрүүлж, улсын даян мэргэн цолны болзол хангасан бол эмэгтэй харваачдыг спортын мастер Б.Баярчимэг тэргүүлсэн. 

Урианхай, буриад, халх сурын харваа болон хүүхдийн харваанд амжилттай оролцсон харваачид бүгд нэгдсэн байдлаар төрийн тэргүүнээс шагнал, цолоо гардаж байгаа нь энэ юм.