УИХ-ын ээлжит бус чуулган нээлтээ хийлээ. Хуралдааны эхэнд УИХ-ын дарга М.Энхболд үг хэлсэн юм. Тэрбээр “өнөөдрийн чуулганы хуралдаанаар Халтмаагийн Баттулгыг Ерөнхийлөгчөөр сонгогдсон хэмээн үзэж бүрэн эрхийг нь хүлээн зөвшөөрөх тухай хуулийн төслийн хэлэлцэнэ” гэв. Ийнхүү УИХ–ын ээлжит бус чуулган нээлтээ хийгээд, түр хугацаагаар завсарлав.

Хуваарь ёсоор Төрийн байгуулалтын байнгын хороо хуралдаж, Монгол Улсын Ерөнхийлөгчөөр сонгогдсон гэж үзэж бүрэн эрхийг нь хүлээн зөвшөөрөх тухай хуулийн төсөл; “Монгол Улсын Ерөнхийлөгчийн тангараг өргөх тов тогтоох тухай” Улсын Их Хурлын тогтоолын төслийг хэлэлцэнэ. Үүний дараа чуулган хуралдаж бүрэн эрхийг нь хүлээн зөвшөөрөх тухай хуулийг төслийг хэлэлцэх юм.

Ерөнхийлөгчийн тангараг өргөх ёслолын ажиллагаа Төрийн ордны Их Танхимд 11.40 цагт болно.

Т.НОМИН

Гэрэл зургийг Ц.АРИУНБОЛД