УИХ-ын дарга, МАН-ын дарга М.Энхболд өнөөдөр (2017.07.04) мэдэгдэл хийлээ.

Тэрбээр “Мэтгэлцээнд бэлтгэл хийж байсан бичлэг тавьж, найруулгатай дэглэн тавьсан жүжиг мэтээр нэвтрүүлэг бэлтгэсэн байна. Иймээс тодорхой мэдээлэл өгөх шаардлагатай гэж үзлээ.

Сонгуулийн мэтгэлцээнд би бэлтгэсэн, зугатааж биш бэлтгэж оролцох ёстой гэж анхнаасаа бодож байсан. Гурван сая иргэнийхээ өмнө улс орныг хөгжүүлэх, иргэдийн амьдралыг яаж сайжруулах вэ гэдэг бодлогын мэтгэлцээн, хөгжлийн мэтгэлцээн байх ёстой гэж бэлдсэн. Мэтгэлцээнд бэлддэг нь зөвхөн Монголд ч биш гадаад улс орнуудад мэтгэлцээнд бэлтгэдэг жишээ баримт олонтаа л байдаг. Үүнд огтхон ч нууц зүйл байхгүй.

МҮОНРТ- ийн вэб сайтад иргэдээс ирүүлсэн бүх асуeлтууд тэнд бий. Mэр асуултад хариулж бэлтгэсэн. Нууцлаг байдалтай хийсэн, дэглэсэн жүжиг мэтээр олон түмнийг төөрөгдүүлэх гэж энэ зүйлийг гаргаж тавьж байгаа явдал нь энэ бичлэгийг хэрхэн яаж олсон бэ гэдэг анхаарлыг ихээхэн татаж байна” хэмээлээ.

Мэдэгдлийг бүрэн эхээр нь эндээс үзэх боломжтой.