Налайх дүүрэгт үүссэн газрын цөмрөлттэй танилцлаа | News.MN - Мэдээллийн эх сурвалж

Налайх дүүрэгт үүссэн газрын цөмрөлттэй танилцлаа

Хуучирсан мэдээ: 2017.07.04-нд нийтлэгдсэн

Налайх дүүрэгт үүссэн газрын цөмрөлттэй танилцлаа

Засгийн газрын тогтоол говийн бүсийн хурдан морьдын уралдаан 7-р сарын 29, 30-ны өдрүүдэд Дундговь аймгийн Мандалговь сумнаа зохион байгуулагдсан.

Нийслэлийн Засаг даргын орлогч П.Баярхүүгээр ахлуулсан Онцгой комиссын ажлын хэсэг өнөөдөр Налайх дүүргийн 2 дугаар хорооны нутаг дэвсгэр Нарлагийн гудамжны айлуудын хашаанд нуранга, газрын цөмрөлт үүссэн нөхцөл байдалтай газар дээр нь очиж танилцлаа.

Ажлын хэсэгт нийслэлийн Газрын албаны орлогч дарга Б.Загдсамбар, нийслэлийн Мэргэжлийн хяналтын газрын дэд дарга Б.Батшагай, НОБГ-ын дарга хурандаа Н.Уламбаяр, Налайх дүүргийн Засаг даргын орлогч С.Тунгалаг болон бусад албаны хүмүүс байлцлаа.

Нарлагийн гудамжны нийт 15 айлын хашаанд газрын цөмрөлт үүсчээ.Үүнээс есөн өрх нь газрын зөвшөөрөлтэй бусад нь зөвшөөрөлгүй байгаа аж. Тиймээс тус айлуудыг нүүлгэн шилжүүлэх ажлыг зохион байгуулахаар удирдамж гарган ажиллаж байгаа гэдгээ тус дүүргийн албаны хүмүүс хэллээ.

Энэ үеэр нийслэлийн Засаг даргын орлогч П.Баярхүү “Мэргэжлийн хяналтын газраас нуранга үүссэн шалтгааныг тогтоож, эрсдэлтэй бүсийг тогтоох хэрэгтэй. Бүсийг аюултай, нэн аюултай, эрсдэлтэй гэж ангилж өгөх шаардлага байна. Хоёрдугаарт, нэн эрсдэлтэй хэсэгт байгаа айлуудыг яаралтай нүүлгэн шилжүүлэх ажлыг зохион байгуулах хэрэгтэй. Мөн онгорхой байгаа нүхнүүдийг булах ажлуудыг бүгд хамтран зохион байгуулах шаардлагатай байна” хэмээн холбогдох албаны хүмүүст үүрэг өглөө.

Мөн “Эрсдэлтэй бүсүүдийг тогтоосны дараа тэмдэг тэмдэглэгээнүүдээ сайн тавих ажлыг нэн яаралтай хийж гүйцэтгэх хэрэгтэй” гэдгийг онцоллоо гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээлэв.

"Болор дуран"-аар шалгав.

1 Сэтгэгдэл

News.mn сайтад сэтгэгдэл оруулахад анхаарах зүйлс

МАН Шинэчил 2017-07-04 66.181.185.197

МАН аас ирсэн даргын орлогч дэд сайдууд гэж амьдралаас тасарсан суудлын бөглөөснүүд байнаа Нийслэлийн Засаг даргын орлогч П Баярхүү “Мэргэжлийн хяналтын газраас нуранга үүссэн шалтгааныг тогтоож эрсдэлтэй бүсийг тогтоох хэрэгтэй“ гэнэ үү Үүссэн шалтгаан ойлгомжтой ш дээ Ядуучууд сохор номин шиг газар доогуур ухаж нүүрс зөөж хүүхдүүдээ тэжээдэг МАН олон жил Налайх дүүргийг атгаж ирлээ юу хийсийн