Лондон хотын өмнө хэсэгт хурдтай давхиж явсан ‘Audi A3’  машины жолооч өсвөр насны хүүхдүүдийг дайрсан тухай BBC News өчигдөр /2017.07.02/ үдээс хойш мэдээлжээ.  Одоо байгаа мэдээллээр 16 настай охин амиа алдсан байна. Өөр зургаан залуусыг эмнэлэгт хүргэжээ. Тэд харьцангуй хөнгөн гэмтэл авсан бололтой.

Audi-A3 машины жолооч эрэгтэй хүн байсан ба толгойдоо гэмтэл авсан ч хэргийн газраас зугтжээ. Түүнийг цагдаагийнхан хайж байгаа бөгөөд санаатайгаар хэрэг үйлдээгүй байх гэсэн таамаглал гаргаад байна. 

Их Британийн нийслэлд он гарсаар автомашинаар хүмүүсийг дайрсан иймэрхүү тохиолдол гурван ч удаа гарлаа. Өмнөх хоёр хэргийг нь исламын террористууд үйлдсэн юм. 

Бэлтгэсэн Ш.МЯГМАР