Холливудын алдарт жүчигчин Жэйсон Стейтем түүний сүйт бүсгүй загвар өмсөгч Хантингтон Уайтли нарын анхны хүүхэд энэ сарын 24-нд мэндэлжээ. Хосууд олон жилийн турш үерхсэний эцэст өнгөрсөн жилийн нэгдүгээр сард сүй тавьснаа зарласан юм. Харин энэ оны хоёрдугаар сард анхны хүүгээ өлгийдөн авахаар зэхэж буйгаа олон нийтэд мэдэгдсэн билээ.
Тэгвэл загвар өмсөгч бүсгүй өчигдөр өөрийн инстаграм хуудастаа хүүгийнхээ гараас барьж буй зургаа нийтэлж, “Бидний бяцхан залуу төрсөн. Жак Оскар Стейтем зургадугаар сарын 24-ний бямба гарагт төрсөн” гэх тайлбарыг зүүжээ.
Эх сурвалж: mminfo.mn