"2025 он хүртэл хөгжүүлэх үндэсний хөтөлбөр” сэдэвт хэлэлцүүлэг болов | News.MN - Мэдээллийн эх сурвалж

"2025 он хүртэл хөгжүүлэх үндэсний хөтөлбөр” сэдэвт хэлэлцүүлэг болов

Хуучирсан мэдээ: 2017.06.29-нд нийтлэгдсэн

"2025 он хүртэл хөгжүүлэх үндэсний хөтөлбөр” сэдэвт хэлэлцүүлэг болов

Жил жилийн яг өдийд л гадаад паспорт авах гэсэн иргэдийн хөлд УБЕГ-ынхан дарагддаг.

Монгол Улсын Засгийн газрын 2016-2020 оны үйл ажиллагааны хөтөлбөр болон “Эдийн засгийг сэргээх хөтөлбөр” зэрэг бодлогын баримт бичигт “Монгол Улсын санхүүгийн зах зээлийг 2025 он хүртэл хөгжүүлэх үндэсний хөтөлбөр”-ийг боловсруулж, батлуулахаар тусгасан. Энэ дагуу Сангийн яам, Монголбанк, Санхүүгийн зохицуулах хорооноос хамтран санхүүгийн салбарын хөгжлийн дунд болон урт хугацааны стратегийн зорилтуудыг хамарсан бодлогын баримт бичгийг боловсруулж, 2017.06.28-ны өдөр олон нийтээр нээлттэй хэлэлцүүллээ.

Хэлэлцүүлгийн үеэр “Монгол Улсын санхүүгийн зах зээлийг 2025 он хүртэл хөгжүүлэх үндэсний хөтөлбөрийн төсөл, Банкны салбарт баримтлах дунд хугацааны бодлого, Банкнаас бусад санхүүгийн салбарыг хөгжүүлэх стратеги зэрэг сэдвээр холбогдох албаныхан танилцуулга хийж, оролцогсдын асуултад хариулав.

Мөн салбар хэлэлцүүлгийн хүрээнд “Санхүүгийн боловсрол”, “Санхүүгийн хэрэглэгчийн эрх ашгийг хамгаалах”, “Мөнгө угаах терроризмыг санхүүжүүлэхтэй тэмцэх”, “Сайн засаглал” зэрэг сэдвийг онцолж, хэлэлцүүлэг өрнүүллээ.

Хэлэлцүүлгийн үр дүнд Монгол Улсын санхүүгийн салбарыг дунд хугацаанд улам төгөлдөржүүлж, нэг төрөл давамгайлсан бүтцээс олон салбарт тулгуурласан бүтцэд шилжих, стратегийн зорилтуудыг тодорхойлон, хэрэгжүүлэх арга зам, хяналт, зохицуулалтын арга механизмыг төгөлдөржүүлэх талаар салбарын нийт оролцогсдын саналыг бодлогын баримт бичигт тусгах юм.

Эх сурвалж: МОНГОЛБАНК

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс