Баяр, наадмыг зохион байгуулах комиссын хуралдааныг хойшлуулсан мэдээлэл байсан ч өнөөдөр хуралджээ. Хурлын үеэр Шадар сайд У.Хүрэлсүх “Монгол наадамд, Монгол морьдын уралдаанд зөвхөн Монгол морь л уралдах ёстой. Ямар нэг арга саам хэрэглэж монгол морьдын уралдаанд эрлийз болон холимог цусны морь ‘шургуулах’-ыг оролдвол шууд хуулийн байгууллагад тухайн хүнийг өг. Бид Монгол адуугаараа бахархах ёстой. Монгол наадмаараа төрийн сүлдэндээ залсан Монгол адуугаа уралдуулж, монгол мориныхоо удмын санг үеийн үед хамгаалж авч явах ёстой. Үндэсний баяр наадмын Хурдан морины уралдаан зохион байгуулах салбар хорооныхонд дээрх асуудлыг хатуу анхааруулж байна’ гэж мэдэгдсэн байна. Эрлийз морьдын уралдаан уламжлалаараа тусдаа болох ч бусад насны уралдаанд эрлийз морь уралдуулахгүй гэнэ.

Л.ХАЛИУ